రాజగృహంపై దాడి: సీబీఐ విచారణకు డిమాండ్

దిశ, వెబ్ డెస్క్: మహారాష్ట్రలోని రాజగృహంపై దాడి చేసిన నిందితులపై దేశ ద్రోహం కేసు పెట్టాలని మందకృష్ణ మాదిగ డిమాండ్ చేశారు. శుక్రవారం ఆయన సూర్యాపేట జిల్లా తిరుమలగిరిలో అంబేద్కర్ విగ్రహం వద్ద ఆయన ధర్నా చేపట్టారు. ఈ ఘటనపై సీబీఐతో విచారణ జరిపించి కఠినంగా శిక్షించాలని డిమాండ్ చేశారు. నిందితులపై ఎస్సీ, ఎస్టీ అట్రాసిటీ కేసు నమోదు చేయాలన్నారు. అంబేద్కర్ కుటుంబ సభ్యులకు రక్షణ కల్పించాలని ఆయన డిమాండ్ చేశారు.