దిశ, డైనమిక్ బ్యూరో: దేశవ్యాప్తంగా హాట్ టాపిక్‌గా మారిన ఢిల్లీ లిక్కర్ స్కాం కేసులో వైసీపీ ఎంపీ మాగుంట శ్రీనివాసులు రెడ్డి కుమారుడు మాగుంట రాఘవ బెయిల్ పిటిషన్‌పై విచారణ ఈనెల 25కు వాయిదా పడింది. గురువారం రౌస్ అవెన్యూ స్పెషల్ కోర్టులో మాగుంట రాఘవ బెయిల్ పిటిషన్ పై విచారణ జరిగింది. ఈ సందర్భంగా రాఘవను వీడియో కాన్ఫరెన్స్ ద్వారా కోర్టులో తిహార్ జైలు అధికారులు హాజరుపరచకపోవడంపై స్పెషల్ కోర్టు ధర్మాసనం ఆగ్రహం వ్యక్తం చేసింది. వచ్చే విచారణ సందర్భంగా కచ్చితంగా రాఘవను వీడియో కాన్ఫరెన్స్ ద్వారా హాజరుపర్చాలని ఆదేశించింది. కాగా లిక్కర్ కేసులో ఫిబ్రవరి 11న రాఘవను ఈడీ అరెస్ట్ చేసిన సంగతి తెలిసిందే. ప్రస్తుతం తీహార్ జైలులో ఉన్న రాఘవరెడ్డి జ్యుడీషియల్ కస్టడీని స్పెషల్ కోర్టు ఈటీవలే పొడిగించింది.