కరోనాతో టాలీవుడ్ నిర్మాత మృతి

పేద, ధనిక భేదాల్లేకుండా అందరినీ తుడిచిపెట్టుకుపోతున్న కరోనా.. తెలుగు రాష్ట్రాల్లోనూ విజృంభిస్తోంది. తాజాగా సీరియల్ నటులకు కరోనా సోకగా.. వారంతా ఐసొలేషన్‌కు వెళ్లిపోయారు. టాలీవుడ్ ఇండస్ట్రీలో కరోనా సోకి చికిత్స చేయించుకున్న నిర్మాత బండ్ల గణేష్‌.. ఈ మహమ్మారి బారి నుంచి బయటపడటంతో ఊపిరి పీల్చుకున్నారు.

కాగా, టాలీవుడ్ నిర్మాత పోకూరి రామారావు కరోనాతో మృత్యువాతపడ్డారు. ఈతరం ఫిలింస్ అధినేత పోకూరి బాబూరావు సోదరుడైన రామారావుకు కరోనా పాజిటివ్‌గా నిర్ధారణ కావడంతో కొన్ని రోజుల క్రితం కాంటినెంటల్ హాస్పిటల్‌లో చేరారు. ఆయన చికిత్స పొందుతూనే శనివారం ఉదయం తొమ్మిది గంటలకు తుది శ్వాస విడిచారు.