హైదరాబాద్‌లో పెట్రోల్ ధర @ 100.. పలు నగరాల్లో రేట్లు ఇవే..

దిశ ప్రతినిధి, హైదరాబాద్ : పెట్రోల్, డీజిల్ ధరలు సామాన్యులను చుక్కలు చూపిస్తున్నాయి. సోమవారం పెట్రో ధరలు మళ్లీ పెరిగాయి. పెట్రోల్‌పై 30 పైసలు, డీజిల్‌పై 32 పైసల చొప్పున ధరలు మళ్లీ పెరిగాయి. దీంతో గ్రేటర్‌ హైదరాబాద్ పరిధిలో పెట్రోల్ ధర సెంచరీ దాటింది. డీజిల్ ధరలు వందకు అడుగు దూరంలో ఉన్నాయి. ప్రస్తుతం నగరంలో పెట్రోల్ ధర రూ 100.20 పైసలు కాగా, డీజిల్ ధర రూ 95.14 పైసలకు చేరింది.

అదే విధంగా రాష్ట్రంలోని పలు ప్రధాన నగరాల్లో పెట్రో ధరలు..

– కరీంనగర్‌లో లీటర్ పెట్రోల్ ధర రూ. 100.07, డీజిల్ ధర ధర రూ. 95.01.
– ఖమ్మంలో పెట్రోల్ ధర రూ. 100.25, డీజిల్ ధర రూ. 95.17.
– వరంగల్‌లో లీటర్ పెట్రోల్ ధర రూ. 99.60, డీజిల్ ధర రూ. 94.70.
– రంగారెడ్డిలో లీటర్ పెట్రోల్ ధర రూ. 100.30, డీజిల్ ధర రూ. 95.30.
– మెదక్‌లో లీటర్ పెట్రోల్ ధర రూ. 101.20, డీజిల్ ధర రూ. 96.07గా ఉంది.