పవన్ ఫ్యాన్స్‌కు బిగ్ న్యూస్.. కేరీర్ బెస్ట్ స్పెషల్ రోల్‌లో పవర్ స్టార్!
దిశ, వెబ్‌డెస్క్: పవర్ స్టార్ పవన్ కళ్యాణ్ వరుస సినిమాలతో దూసుకెళ్తున్నాడు. భీమ్లా నాయక్, హరిహర వీరమల్లు సినిమాలతో ఫుల్ బిజీగా ఉన్నాడు. అయితే తాజాగా పవన్ మరో సినిమాకి గ్రీన్ సిగ్నల్ ఇచ్చాడని, అది ఓ ఫాంటసీ సినిమా అని టాక్ నడుస్తోంది. పవన్ తన కెరీర్‌లో ఇప్పటి వరకు ఓకే ఒక ఫాంటసీ సినిమా చేశాడు. అది ‘గోపాలా గోపాలా’. ఈ సినిమా హిందీ సినిమా ‘ఓ మై గాడ్’కు రీమేక్‌గా తెరకెక్కి అందరినీ […]
దిశ, వెబ్‌డెస్క్: పవర్ స్టార్ పవన్ కళ్యాణ్ వరుస సినిమాలతో దూసుకెళ్తున్నాడు. భీమ్లా నాయక్, హరిహర వీరమల్లు సినిమాలతో ఫుల్ బిజీగా ఉన్నాడు. అయితే తాజాగా పవన్ మరో సినిమాకి గ్రీన్ సిగ్నల్ ఇచ్చాడని, అది ఓ ఫాంటసీ సినిమా అని టాక్ నడుస్తోంది. పవన్ తన కెరీర్‌లో ఇప్పటి వరకు ఓకే ఒక ఫాంటసీ సినిమా చేశాడు. అది ‘గోపాలా గోపాలా’. ఈ సినిమా హిందీ సినిమా ‘ఓ మై గాడ్’కు రీమేక్‌గా తెరకెక్కి అందరినీ ఆకట్టుకుంది. అయితే ఈ సారి పవన్ తమిళంలో వచ్చిన ఫాంటసీ సినిమా ‘వినోదయ చిత్తం’ మూవీని రీమేక్ చేయాలని చూస్తున్నాడట. ఈ మేరకు వార్తలు ప్రస్తుతం సోషల్ మీడియాలో తెగ చక్కర్లు కొడుతున్నాయి. కానీ ఇప్పటివరకు అధికారిక ప్రకటన ఏమీ రాలేదు. త్వరలో ఏమైనా ప్రకటిస్తారేమో వేచి చూడాలి.
‘వినోదయ చిత్తం’ సినిమాను సముద్రఖని డైరెక్ట్ చేశాడు. అంతేకాకుండా సినిమాలో ఓ కీలక పాత్రలోనూ కనిపించి అలరించాడు. పరశురామయ్యర్ అనే వ్యక్తి ఓ ఫ్యాక్టరీలో చాలా ఏళ్లుగా పనిచేస్తుంటాడు. ఆ కంపెనీ మేనేజర్ పదవి అతడి కల. కానీ అది నెరవేరకుండానే ప్రమాదవశాత్తు మరణిస్తాడు. అదే సమయంలో ‘టైమ్’ అనే వ్యక్తి పరశురామయ్యర్‌కి తన బాధ్యతలు, కల నెరవేర్చుకునేందుకు మూడు నెలల సమయం ఇస్తాడు. ఆ మూడు నెలల్లో పరశురామయ్యర్ తన కల నేరవేర్చుకున్నాడా లేదా? మూడు నెలలు ఎలా గడిపాడు? అన్నది సినిమా కథ. ఇందులో ‘టైమ్’ అనే పాత్రలోనే పవర్ స్టార్ కనిపించనున్నాడని టాక్ నడుస్తోంది. నిజానిజాలు తెలియాలంటే మరి కొన్నాళ్లు ఆగాల్సిందే.