వైస్ ఎంపీపీ కొంపముంచిన పెద్దపల్లి ఎమ్మెల్యే..

దిశ, ఓదెల : పెద్దపల్లి జిల్లా ఓదెల మండల పరిషత్ ఉపాధ్యక్షులు పల్లె కుమార్ గౌడ్‌కు కరోనా సోకింది. మండలంలో ఇటీవల జరిగిన పలు అభివృద్ధి కార్యక్రమాల్లో పెద్దపల్లి ఎమ్మెల్యే దాసరి మనోహర్ రెడ్డితో పాటు మండలంలోని అధికారులు, ప్రజాప్రతినిధులు, కార్యకర్తలు పాల్గొన్నారు. అయితే, ఎమ్మెల్యేకు పాజిటివ్ రావడంతో హైదరాబాద్‌లోని ఓ ప్రైవేట్ ఆస్పత్రిలో ఆయన చికిత్స పొందుతున్నారు. ఈ క్రమంలోనే ఓదెల వైస్ ఎంపీపీ కుమార్ గౌడ్ కరోనా పరీక్షలు చేయించుకోగా పాజిటివ్ అని తేలింది. ఈ విషయం తెలియడంతో ఎమ్మెల్యేతో కలిసి అభివృద్ధి కార్యక్రమాల్లో పాల్గొన్న ప్రజాప్రతినిధులు, అధికారులు, వారి కుటుంబ సభ్యులు ఆందోళనకు గురవుతున్నారు.