నువ్వా-నేనా: ఇతర దేశాల నటులకు సవాల్ విసిరిన : Nushrratt Bharuccha

దిశ, సినిమా : బాలీవుడ్ బ్యూటీ నుష్రత్ భరుచా రికార్డ్ క్రియేట్ చేసింది. బూసన్ ఫిల్మ్ ఫెస్టివల్ ఆధ్వర్యంలో జరిగే ఆసియన్ కంటెంట్స్ అవార్డ్స్‌కు నామినేట్ అయిన తొలి ఇండియన్ ఫిమేల్ యాక్టర్‌గా నిలిచింది. ధర్మటిక్ ఎంటర్‌టైన్మెంట్ నిర్మించిన ‘అజీబ్ దాస్తాన్స్’ ఆంథాలజీలో మెరిసిన నుష్రత్.. రాజ్ మెహతా దర్శకత్వంలో వచ్చిన ‘ఖిలావూనా’ పార్ట్‌లో యాక్టింగ్ అదరగొట్టేసింది. నెట్‌ఫ్లిక్స్‌లో రిలీజ్ అయిన ఈ ఆంథాలజీకి ఇప్పటికే వరల్డ్ వైడ్ అప్రిసియేషన్ దక్కగా.. ఇప్పుడు ఇలాంటి యూనిక్ ఫీట్ సాధించడం ఆనందంగా ఉందని తెలిపింది నుష్రత్. బెస్ట్ యాక్ట్రెస్ విభాగంలో ఆసియా కంటెంట్స్ అవార్డ్స్‌-2021కు నామినేట్ అయిన తను.. విభిన్న దేశాలకు చెందిన ప్రతిభావంతులైన నటుల పక్కన చేరడం గర్వంగా ఉందని చెప్పింది. ‘అజీబ్ దాస్తాన్స్’ జర్నీ రోజురోజుకు మరింత స్వీట్‌గా మారిపోతుందని ఆనందపడిపోయింది.