RRR నుంచి సరికొత్త అప్డేట్.. ‘నాటు నాటు’ సాంగ్‌కు తారక్, చెర్రీ మాస్ స్టెప్పులు

దిశ, సినిమా : మోస్ట్ అవెయిటింగ్ ఆర్ఆర్ఆర్ సాంగ్ ‘నాటు నాటు’ అన్‌బీటబుల్ రికార్డ్స్ క్రియేట్ చేస్తోంది. తారక్, చెర్రీలు ఇద్దరి లెగ్ షేకింగ్.. కాన్స్‌టాంట్ ఎనర్జీకి ఆడియన్స్ ఫిదా అవుతుండగా.. చూసిన ప్రతీ ఒక్కరూ పది సార్లు కూడా చూసేందుకు ఆరాటపడుతున్నారు. సింహాలు జూలు విధిలించి సిందులేస్తున్నట్టు ఉన్న డ్యాన్స్‌ను చూసే అదృష్టాన్ని కలిగించిన జక్కన్నకు థాంక్స్ చెప్తున్నారు. ఇలాంటి ప్యూర్, పర్‌ఫెక్ట్, ఎనర్జిటిక్ సాంగ్.. ఇప్పటి వరకు చూడలేదు, ఇక చూస్తామో లేదో తెలియదంటున్న అభిమానులు.. థియేటర్లకు వెళ్లేటప్పుడు కొంచెం ఎక్కువ పేపర్లు తీసుకెళ్లండమ్మా.. ఈ పాటకు పనికొస్తాయని సజెస్ట్ చేస్తున్నారు.

ఫ్యాబులస్ హీరోస్… ఫ్యాబులస్ పర్ఫార్మెన్స్.. సింగిల్ ఫ్రేమ్‌లో చూసేందుకు పెట్టిపుట్టాలి బ్రో అంటూ సంబురపడిపోతున్నారు. చూస్తుంటే 24 గంటల్లో 10 మిలియన్ వ్యూస్‌తో రికార్డులు బద్దలు కొట్టేందుకు రెడీగా ఉందనిపిస్తుండగా.. నాటు సాంగ్, నాటు స్టెప్పులకు కాసేపు హార్ట్ బీట్ ఆగిపోయినట్లు అనిపించిందని చెప్తున్నారు ఫ్యాన్స్. ఎంత ముద్దుగా ఉన్నారురా బాబు… కాస్త దిష్టి తీసి చూద్దాం అంటూ.. ఆ తంతు కూడా మొదలెట్టేశారు. మొత్తానికి ప్రతీ విషయంలో పోస్ట్ పోన్ చేసే రాజమౌళి… ఈ పాటను అరగంట ముందే ప్రీ రిలీజ్ చేయడంపై ధన్యవాదాలు చెప్తున్నారు.