లేడీ సూపర్‌స్టార్‌కు క్లాస్‌మేట్ ప్రశంసలు
దిశ, వెబ్‌డెస్క్: ఎటువంటి సినీ నేపథ్యం లేకుండా, మారుమూల గ్రామం నుంచి వచ్చి లేడీ సూపర్ స్టార్‌గా ఎదిగిన తార.. నయనతార. 17 ఏళ్ల సినీ కెరీర్‌లో ఎన్నో సవాళ్లను అధిగమించి స్టార్ హీరోయిన్‌గా గుర్తింపు తెచ్చుకుంది. నయన్ ఇటీవలే తన పుట్టినరోజు వేడుకల్ని ఘనంగా సెలబ్రేట్ చేసుకున్న విషయం తెలిసిందే. అయితే ఈ సందర్భంగా, నయనతార క్లాస్‌మేట్ ఆమెకు శుభాకాంక్షలు తెలుపుతూ పెట్టిన పోస్ట్.. నయన్ అభిమానులను విశేషంగా ఆకట్టుకుంటోంది. ఇంతకీ ఆ క్లాస్‌మేట్ ఎవరు. […]
దిశ, వెబ్‌డెస్క్: ఎటువంటి సినీ నేపథ్యం లేకుండా, మారుమూల గ్రామం నుంచి వచ్చి లేడీ సూపర్ స్టార్‌గా ఎదిగిన తార.. నయనతార. 17 ఏళ్ల సినీ కెరీర్‌లో ఎన్నో సవాళ్లను అధిగమించి స్టార్ హీరోయిన్‌గా గుర్తింపు తెచ్చుకుంది. నయన్ ఇటీవలే తన పుట్టినరోజు వేడుకల్ని ఘనంగా సెలబ్రేట్ చేసుకున్న విషయం తెలిసిందే. అయితే ఈ సందర్భంగా, నయనతార క్లాస్‌మేట్ ఆమెకు శుభాకాంక్షలు తెలుపుతూ పెట్టిన పోస్ట్.. నయన్ అభిమానులను విశేషంగా ఆకట్టుకుంటోంది. ఇంతకీ ఆ క్లాస్‌మేట్ ఎవరు. ఆ పోస్ట్‌లో ఏముంది?
కేరళకు చెందిన మహేశ్ కదమ్మనిట్ట.. నయనతారతో కలిసి తిరువల్లలోని మార్తోమా కాలేజీలో డిగ్రీ చదివాడు. తన క్లాస్‌మేట్ అయిన నయనతార ప్రస్తుతం స్టార్ హీరోయిన్‌గా ఎదగడంతో చాలా ఆనందపడ్డ మహేశ్.. ఏ బ్యాక్‌గ్రౌండ్ లేకుండా 17 ఏళ్లుగా సినీ కెరీర్ కొనసాగించడం, అందులోనూ లేడీ సూపర్ స్టార్‌గా పేరుతెచ్చుకోవడం నిజంగా గ్రేట్ అంటూ నయన్‌పై ప్రశంసలు కురిపించాడు.
‘డిగ్రీలో తన పక్కన కూర్చున్న నా స్నేహితురాలు సూపర్ స్టార్ అవుతుందని కలలో కూడా ఊహించలేదు. ముఖ‍్యంగా పురుషాధిపత్యం, నెపోటిజం ఉన్న సినీ పరిశ్రమలో, ఎలాంటి సినీ నేపథ్యం లేని ఓ మహిళ రాణించడం నిజంగా అద్భుతం. కెరీర్ మొదట్లో ఆమె ఎన్నో విమర్శలు ఎదుర్కొంది. కానీ పరిశ్రమ మీద ప్రేమతోనే అన్నింటినీ తట్టుకుని కృషి, అంకితభావంతోనే ఈ స్థాయికి చేరింది. తిరువల్లలోని చిన్న గ్రామం నుంచి వచ్చి, ఇంతటి అచీవ్‌‌మెంట్ సాధించిన మై డియర్‌ డయానా(నయనతార) నీకు పుట్టిన రోజు శుభాకాంక్షలు’ అంటూ మహేశ్ రాసుకొచ్చారు. ఈ పోస్ట్‌తో పాటు నయన్ అభిమానులకు మరో గిఫ్ట్ కూడా అందించాడు మహేశ్. అదేంటంటే.. మార్తోమా కాలేజీలో చదువుతున్న సమయంలో, నయనతార చేతి రాతతో ఉన్న ఓ నోట్‌ను షేర్ చేశారు. అంతేకాదు ఇంతకాలం పాటు ఈ నోట్‌ను భద్రంగా దాచిపెట్టిన తన భార్యకు మహేశ్ కృతజ్ఙతలు తెలిపారు.