రోడ్డుపై మహిళ రీల్స్.. గొలుసు లాగి చైన్ స్నాచర్ పరార్!

దిశ, డైనమిక్ బ్యూరో: సోషల్ మీడియాలో లైక్స్, పాపులర్ అవ్వడం కోసం కొందరూ వెరైటీ వీడియోలు చేస్తుంటారు. మరికొంత మంది రోడ్లపైకి వచ్చి ‘రీల్స్’ షూట్ చేసే సమయంలో ట్రాఫిక్‌లో ఇతరులకు సమస్యగా మారుతుంటారు. వారు కూడా ప్రమాదాలకు గురవుతుంటారు. ఈ క్రమంలోనే తాజాగా ఓ వీడియో సోషల్ మీడియాలో వైరల్‌గా మారింది. రోడ్డు పక్కన ఒక మహిళ సెల్‌ఫోన్‌లో రీల్ షూట్ చేసుకుంటుంది. ఆమె నెమ్మదిగా కెమెరా వైపు వస్తుండగా, ఓ బైక్ రైడర్ వచ్చి మహిళ మెడలోని గొలుసు లాక్కొని పారిపోయాడు. ఆ మహిళ కూడా వెంటనే రియాక్ట్ అయ్యి భయాందోళనకు గురవుతుంది. కానీ రీల్స్‌లో భాగంగానే అలా చేశారని పలువురు నెటిజన్లు ఈ ఘటనపై అభిప్రాయపడ్డారు.

ఈ ఘటన ఉత్తరప్రదేశ్‌లోని ఘజియాబాద్‌లో జరిగినట్లు తెలిసింది. ఈ వీడియోను స్థానిక పోలీసులకు నెటిజన్లు ట్విట్టర్ వేదికగా ట్యాగ్ చేశారు. ఒక వేలా నిజంగానే చైన్ స్నాచింగ్ జరిగితే ఆ బైక్ రైడర్‌ను పట్టుకోవాలని, లేదంటే ఆ రీల్స్ చేసిన ఫ్యామిలీ పై చర్యలు తీసుకోవాలని పోలీసులకు నెటిజన్లు ఫిర్యాదు చేశారు.