Trending: అసోంలో తీవ్ర విషాదం.. రైలు ఢీకొని గజరాజు అక్కడికక్కడే మృతి
రైలు ఢీకొని విలవిలలాడుతూ ప్రాణాలు విడిచిన ఘటన అసోం రాష్ట్రంలోని గౌహతి పట్టణ శివారు ప్రాంతమైన జాగిరోడ్ ప్రాంతంలో చోటుచేసుకుంది.
దిశ, వెబ్‌డెస్క్: రైలు ఢీకొని విలవిలలాడుతూ ప్రాణాలు విడిచిన ఘటన అసోం రాష్ట్రంలోని గౌహతి పట్టణ శివారు ప్రాంతమైన జాగిరోడ్ ప్రాంతంలో చోటుచేసుకుంది. బుధవారం తెల్లవారుజామున జాగిరోడ్ రైల్వే ట్రాక్‌‌ను దాటుతున్న ఏనుగును కంచన్‌జంగా ఎక్స్‌ప్రెస్ బలంగా ఢీకొట్టింది. ఈ ప్రమాదంలో గజరాజుకు తీవ్ర గాయాలు గాయాలు అయ్యాయి. అయితే, అది తిరిగి పైకి లేచేందుకు తీవ్రంగా ప్రయత్నించగా ఒక్కసారిగా కుప్పకూలి ప్రాణాల విడిచింది. రైల్వే అధికారుల సమాచారం మేరకు ఘటనా స్థలానికి చేరుకున్న అటవీ శాఖ అధికారులు ప్రమాదం జరిగిన తీరును పరిశీలించారు. గజరాజుకు శరీరంపై ఎలాంటి గాయాలు కాలేదని, ట్రైన్ వేగంగా ఢీకొట్టడంతో తల, కడుపులోపల తీవ్ర గాయాలతో మరణించిందని వారు పేర్కొన్నారు.