దేశద్రోహ చట్టం ఉండాల్సిందే: లా కమిషన్ చీఫ్

న్యూఢిల్లీ: వలస రాజ్యాల కాలం నాటి దేశద్రోహ చట్టాన్ని రద్దు చేయాలన్న డిమాండ్‌ను లా కమిషన్ చైర్మన్ జస్టిస్ రీతురాజ్ అవస్తి వ్యతిరేకించారు. కశ్మీర్ నుంచి కేరళ వరకు, పంజాబ్ నుంచి ఈశాన్యం వరకు దేశంలో ప్రస్తుత పరిస్థితి నేపథ్యంలో ‘భారత భద్రత-సమగ్రత’ను కాపాడేందుకు దేశద్రోహ చట్టాన్ని కొనసాగించాల్సిందే అన్నారు. అయితే.. ప్రస్తుత దేశద్రోహ చట్టాన్ని నిలుపుదల చేసిన సుప్రీం కోర్టు దీంట్లో మార్పులు చేయాలన్న సూచనలను రీతురాజ్ సమర్ధించారు.

ఈ చట్టాన్ని దుర్వినియోగం చేయకుండా కొన్ని రక్షణ చర్యలు చేపట్టాల్సిన అవసరం ఉందన్నారు. చట్టవ్యతిరేక కార్యకలాపాల (నిరోధక) చట్టం, జాతీయ భద్రతా చట్టం వంటి ప్రత్యేక చట్టాలు దేశద్రోహ నేరాన్ని కవర్ చేయలేవని, దేశద్రోహానికి ప్రత్యేక చట్టం ఉండాల్సిందేనని రీతురాజ్ స్పష్టం చేశారు.