యువతకు ప్రధాని మోదీ కీలక విజ్ఞప్తి..

న్యూఢిల్లీ: ప్రధానమంత్రి నరేంద్ర మోడీ యువతకు కీలక విజ్ఞప్తి చేశారు. వైబ్రంట్ విలేజీ ప్రోగ్రామ్(వీవీపీ)లో భాగంగా సరిహద్దు గ్రామాలను సందర్శించి.. విభిన్న సంస్కృతులను తెలుసుకోవాలని పిలుపునిచ్చారు. విభిన్న సంస్కృతులను తెలుసుకుంటూ.. వారి అతిథ్యాన్ని అస్వాదించాలని ట్వీట్ చేశారు. వీవీపీ కార్యక్రమం సంస్కృతిక, సాంప్రదాయ మార్పిడికి మార్గమని అన్నారు.

దీనిలో భాగంగా ఒడిశా యువత కిబితూ, టూటింగ్ గ్రామాలను సందర్శించారని తెలిపారు. మోడీ నేతృత్వంలోని కేంద్ర ప్రభుత్వం వీవీపీని ప్రొత్సహించేందుకు రోడ్లు మౌళిక వసతుల కోసం రూ.2,500 కోట్లతో కలుపుకుని రూ.4,800 కోట్లు కేటాయించింది. కాగా ఈ కార్యక్రమం కింద ఈశాన్య ప్రాంతం, లఢఖ్ సరిహద్దు ప్రాంతాలలో 19 జిల్లాలోని 46 బ్లాకుల్లోని 2,967 గ్రామాలను ఎంచుకుంది.