గాజాపై ఇజ్రాయెల్ దాడులు.. 30 మంది పాలస్తీనియన్లు మృతి

దిశ, నేషనల్ బ్యూరో: ఇజ్రాయెల్- హమాస్ మధ్య యుద్ధం కొనసాగుతోంది. ఇజ్రాయెల్ ఇప్పటివరకు గాజాలోని హమాస్ కు తీవ్ర నష్టం కలిగించింది. రీసెంట్ గా గాజాలో ఇజ్రాయెల్ వైమానిక దాడులు జరిపింది. చిన్నారులు సహా మొత్తం 30 మంది చనిపోయినట్లు అధికారులు తెలిపారు. ఇజ్రాయెల్ జరిపిన రెండు వైమానిక దాడుల్లో చాలా మందికి గాయాలయ్యాయి. దరాజ్ ప్రాంతంలోని ఇంటిపై దాడి జరగ్గా.. అక్కడ 20 మంది చనిపోయారు. మోరవైపు రఫా సమంపీలో జరిగిన దాడిలో ఇద్దరు చిన్నారు సహా 13 మంది చనిపోయినట్లు సమాచారం. మృతదేహాలను అబూ యూసఫ్ అల్ నజ్జార్ హాస్పిటల్ కు తరలించారు. గడిచిన 24 గంటల్లో 135 మంది పాలస్తీనియన్లు చనిపోయారని.. హమాస్ తెలిపింది. యుద్ధం ప్రారంభమైనప్పటి నుంచి 23 వేల 843 మంది చనిపోయారని ప్రకటించింది హమాస్. చనిపోయిన వారిలో అధికంగా పిల్లలు, మహిళలు ఉన్నారని ప్రకటించింది గాజా. గాయపడిన వారి సంఖ్య 60 వేలు దాటిందని తెలిపింది.