Fire Accident: జమ్ముకశ్మీర్‌లోని బారాముల్లాలో భారీ పేలుడు.. నలుగురు మృతి

దిశ, వెబ్‌డెస్క్: జమ్ముకశ్మీర్ రాష్ట్రంలోని బారాముల్లా జిలల్లాలో భారీ పేలుడు సంబంవించింది. ఈ పేలుడు ధాటికి నలుగురు మృతి చెందినట్లు సమాచారం అందుతుంది. సోపోర్ పట్టణంలోని ఓ ఇంట్లో గ్యాస్ సిలిండర్ పేలడంతో ఈ ప్రమాదం చోటు చేసుకున్నట్లు తెలుస్తోంది. కాగా ఈ ప్రమాదం సమయంలో ఇంట్లో ఉన్న వారిలో నలుగురు మంటల్లో చిక్కుకుని ప్రాణాలు కోల్పోగా.. మరో ఇద్దరిని స్థానికులు రక్షించారు. వారికి తీవ్ర గాయాలు కాగా హుటాహుటిన ఆస్పత్రికి తరలించారు. ఈ సమాచారం అందుకున్న ఫైర్ సిబ్బంది అక్కడకు చేరుకుని మంటలను అదుపు చేసినట్లు తెలుస్తుంది. అలాగే ఈ ఘటనపై విచారణ చేపట్టినట్లు మీడియాతో పోలీసులు తెలిపారు. కాగా ఈ ఘటనకు సంబంధించిన పూర్తి వివరాలు తెలియాల్సి ఉంది.