యడియూరప్పను చుట్టుముట్టిన బీజేపీ కార్యకర్తలు

బెంగళూరు: కర్ణాటకలో ముందస్తు ఎన్నికల ప్రచారంలో ఆ పార్టీ కీలక నేత బీఎస్ యడియూరప్పకు ఊహించని షాక్ ఎదురైంది. మాజీ సీఎం నిర్వహిస్తున్న విజయ్ సంకల్ప్ ర్యాలీకి బీజేపీ నేతల నుంచి అనుకొని నిరసన ఎదురైంది. గురువారం చిక్కమగళూరు జిల్లాలో ఆయన ర్యాలీని పార్టీ కార్యకర్తలు అడ్డుకున్నారు. యడియురప్ప తనయుడు బీవై విజయేంద్రను రాబోయే ఎన్నికల్లో శికారిపూర నుంచి పోటీ చేస్తారని ప్రకటించడాన్ని బీజేపీ జాతీయ కార్యదర్శి సీటీ రవి కుమార్ ఖండించడంతో ఈ ఘటన చోటు చేసుకున్నట్లు అధికార వర్గాలు తెలిపాయి. ముదిగెరె నియోజకవర్గం నుంచి పోటీ కోసం చూస్తున్న ఎమ్మెల్యే ఎంపీ కుమారస్వామికి అసెంబ్లీ టికెట్ ఇవ్వాలని డిమాండ్ చేశారు. దీంతో యడియూరప్ప అక్కడి నుంచి వెళ్లిపోగా, మరోవైపు సీటీ రవి అనుచరులు కూడా ర్యాలీని విడిచి వెళ్లారు.