BREAKING: అనంత్‌నాగ్‌లో ఉగ్రవాదుల దుశ్చర్య.. దంపతులపై కాల్పలు, ఆసుపత్రికి తరలింపు

దిశ, వెబ్‌డెస్క్: దేశ సరిహద్దుల్లో ఉగ్రవాదులు కదలికలు మళ్లీ కలకలం సృష్టిస్తున్నాయి. ప్రతిరోజూ ఎక్కడో ఒకచోట భద్రతా దళాలు, ముష్కరుల మధ్య కాల్పులు మోత మోగుతూనే ఉంది. ఈ క్రమంలోనే ఇవాళ జమ్ముకశ్మీర్‌లోని అనంత్‌నాగ్‌లో ఉగ్రవాదులు తమ పంజాను విసిరారు. రాజస్థాన్‌లోని జయపూర్ నుంచి అనంత్‌నాగ్‌కు వచ్చిన దంపతులపై ఉగ్రవాదులు కాల్పులు జరిపారు. ఈ కాల్పుల్లో ఆ దంపతులు తీవ్రంగా గాయపడగా స్థానికులు వారిని చికిత్స నిమిత్తం స్థానిక ఆసుపత్రికి తరలించారు. అదేవిధంగా షోపియాన్ జిల్లా హీర్‌పోరలోనూ ముష్కర మూకలు కాల్పులకు తెగబడ్డారు. ఆ కాల్పుల్లో ఓ పౌరుడికి గాయాలయ్యాయి. ఈ క్రమంలోనే ఉన్నతాధికారులు కీలక నిర్ణయం తీసుకున్నారు. అనంత్‌నాగ్, హీర్‌పొర ప్రాంతాల్లో ఉగ్రవాదులను నిలువరించేందకు భారీ ఎత్తున భద్రతా బలగాల మోహరించారు.