Breaking News : గ్యాస్ సిలిండర్ పేలి 25 మందికి తీవ్ర గాయాలు

దిశ, వెబ్ డెస్క్ : మధ్యప్రదేశ్‌(MadhyaPradesh)లో గ్యాస్ సిలిండర్ పేలిన ఘటనలో 25 మందికి తీవ్ర గాయాలయ్యాయి. రాష్ట్రంలోని ఛతర్‌పూర్(Chattharpur) జిల్లాలోని బిజావర్(Bijavar) పట్టణంలో ఈ ఘటన జరిగింది. పట్టణంలోని బస్టాండ్ సమీపంలోయి ఓ చిన్న హోటల్ లో ఒక్కసారిగా గ్యాస్ సిలిండర్ పేలడంతో.. 25 మంది తీవ్రంగా గాయపడగా.. వీరిలో చాలామంది పరిస్థితి విషమంగా ఉన్నట్టు సమాచారం. ప్రమాద స్థలికి చేరుకున్న బిజావర్ పోలీసులు తెలిపిన వివరాల ప్రకారం.. బిజావర్ లోని ఓ రద్దీ ప్రదేశంలో అనుమతులు లేని ఓ హోటల్ లో గ్యాస్ లీక్ అయి, సిలిండర్ పేలడంతో అక్కడే భోజనం చేస్తున్న వారికి తీవ్ర గాయాలయ్యాయి. వారందరినీ స్థానిక ప్రభుత్వ ఆసుపత్రికి తరలించి చికిత్స అందిస్తున్నామని అన్నారు. వీరిలో పరిస్థితి విషమంగా ఉన్నవారిని ఛతర్‌పూర్ జిల్లా కేంద్రంలోని ఆసుపత్రికి తరలించామని పేర్కొన్నారు. ఈ ఘటనపై కేసు నమోదు చేసుకొని.. దర్యాప్తు చేస్తున్నామని ఛతర్‌పూర్ ఎస్పీ తెలియ జేశారు.