అసెంబ్లీలో అడ్డంగా బుక్కైన పేర్ని నాని… ఆడుకుంటున్న నెటిజెన్స్ (వీడియో)

దిశ, డైనమిక్ బ్యూరో : ఆంధ్రప్రదేశ్ అసెంబ్లీలో మూడు రాజధానులపై చర్చ జరుగుతుంటే మంత్రి పేర్ని నాని చేసిన పనికి నెటిజన్లు మండిపడుతున్నారు. రాజధానుల అంశంపై రెండు తెలుగు రాష్ట్రాల ప్రజలు ఆసక్తికరంగా చూస్తున్న తరుణంలో బాధ్యతారాహిత్యంగా ఓ మంత్రి హోదాలో ఉండి పేర్ని నాని అలా చేయడం ఏంటని నెట్టింట విమర్శలు వెల్లువెత్తుతున్నాయి. ఆ రాష్ట్ర ఆర్థిక శాఖ మంత్రి బుగ్గన రాజేంద్రనాథ్ రెడ్డి సభలో నిల్చొని మాట్లాడుతుంటే వెనుక ఉన్న పేర్ని నాని నిద్రపోయి కెమెరాలకు అడ్డంగా బుక్కయ్యారు. ఎంతో ఇంట్రెస్టింగ్‌గా సాగుతున్న సభలో ఆయన నిద్రపోయి తూలిపోయారు. అయితే ఈ తతంగమంతా కెమెరాలో రికార్డు అవడంతో వీడియో నెట్టింట వైరల్‌గా మారింది