నాని ‘శ్యామ్‌ సింగరాయ్’ గ్రాండ్ లాంచ్

దిశ, వెబ్‌డెస్క్: నేచురల్ స్టార్ నాని నటిస్తున్న ‘శ్యామ్ సింగ రాయ్’ సినిమా గ్రాండ్‌గా లాంచ్ అయింది. రాహుల్ సాంకృత్యన్ దర్శకత్వంలో వస్తున్న సినిమాను నిహారిక ఎంటర్టైన్‌మెంట్ నిర్మిస్తుండగా పూజా కార్యక్రమానికి ఇండస్ట్రీ నుంచి పలువురు అతిథులు హాజరయ్యారు. నాని, సాయి పల్లవి, కృతి శెట్టిపై నాని ఫాదర్ ఘంట రాంబాబు ఫస్ట్ షాట్‌కు క్లాప్ ఇచ్చారు. అనిల్ రావిపూడి, మేర్లపాక గాంధీ గౌరవ దర్శకత్వం వహించారు.

శివ నిర్వాణ, వెంకీ కుడుమల సినిమా డైరెక్టర్ రాహుల్ సాంకృత్యన్‌కు సంప్రదాయంగా స్క్రిప్ట్ అందించారు. ఈ సందర్భంగా తండ్రి పాదాలకు నమస్కరించి ఆశీర్వాదం తీసుకున్నారు నాని. సాయి పల్లవి, కృతితోపాటు మాలీవుడ్ బ్యూటీ మడోనా సెబాస్టియన్ కూడా హీరోయిన్‌గా నటిస్తున్న సినిమాలో నాని మూడు పాత్రల్లో కనిపించనున్నారట. యువకుడిగా, మిడిల్ ఏజ్డ్ పర్సన్‌గా మాత్రమే కాదు అరవై ఏళ్ల ముసలివాడిగా త్రీ షేడ్స్ చూపించనున్న నాని.. దీనిపై హోమ్ వర్క్ చేసినట్లు సమాచారం.