నభాకు బంపర్ ఆఫర్..

హీరోయిన్ నభా నటేశ్.. ‘ఇస్మార్ట్ శంకర్’ సినిమాలో తెలంగాణ యాసతో యాక్టింగ్‌లో అదరగొట్టింది. తన హాట్ లుక్స్‌తో మతిపోగొట్టింది. ఈ సినిమా సక్సెస్‌తో వరుస ఆఫర్లు దక్కించుకున్న భామ.. ప్రస్తుతం ‘సోలో బ్రతుకే సో బెటర్’లో తేజ్‌కు జోడీగా, ‘అల్లుడు అదుర్స్’లో బెల్లంకొండ సాయిశ్రీనివాస్ సరసన ఆడి పాడనుంది.

ఇదిలా ఉంటే, తాజాగా మరో క్రేజీ ఆఫర్ దక్కించుకున్నట్లు ఫిల్మ్ నగర్ టాక్. ఏకంగా యంగ్ టైగర్ ఎన్టీఆర్ సినిమాలో హీరోయిన్‌గా సెలెక్ట్ అయిందట. తారక్ – త్రివిక్రమ్ కాంబినేషన్‌లో వస్తున్న ‘అయిననూ పోయిరావలే హస్తినకు’ సినిమాలో సెకండ్ హీరోయిన్‌గా కన్‌ఫర్మ్ అయిందట. రాజకీయాల నేపథ్యంలో సాగే ఈ చిత్రంలో తెలంగాణ యాసతో మరోసారి ఆకట్టుకోనుందట నభా.