విక్రమ్ తంగలాన్ నుంచి ‘మనకి మనకి’ లిరికల్‌ వీడియో సాంగ్ వచ్చేసింది!
తమిళ హీరో విక్రమ్ నటిస్తున్న తాజా చిత్రం 'తంగలాన్'. కోలార్‌ గోల్డ్‌ ఫీల్డ్‌ నేపథ్యంలో వాస్తవిక సంఘటనల ఆధారంగా ఈ సినిమా రూపొందుతోంది.
దిశ, సినిమా: తమిళ హీరో విక్రమ్ నటిస్తున్న తాజా చిత్రం 'తంగలాన్'. కోలార్‌ గోల్డ్‌ ఫీల్డ్‌ నేపథ్యంలో వాస్తవిక సంఘటనల ఆధారంగా ఈ సినిమా రూపొందుతోంది. పీరియాడిక్‌ మాస్‌ యాక్షన్‌ చిత్రంగా రూపొందుతున్న ఈ మూవీలో విక్రమ్ సరికొత్త అవతారంలో కనిపించబోతున్నాడు. అయితే స్టూడియో గ్రీన్‌, నీలమ్‌ ప్రొడక్షన్స్‌ పతాకంపై కేఈ జ్ఞానవేల్ రాజా నిర్మిస్తున్నారు. పార్వతి తిరువోతు, మాళవిక మోహనన్‌ హీరోయిన్లుగా నటిస్తున్న ఈ చిత్రానికి పా రంజిత్‌ దర్శకుడు. ప్రస్తుతం షూటింగ్ దశలో ఉన్న తంగలాన్ నుండి ఇటీవల ట్రైలర్‌ను విడుదల చేసింది.
తాజాగా ఈ చిత్రం నుంచి మరో లిరికల్‌ వీడియోను విడుదల చేసింది. మనకి మనకి అనే పల్లవితో కొనసాగే ఈ పాటకు జీవీ ప్రకాష్‌కుమార్‌ స్వరాలు అందించగా, భాస్కరభట్ల సాహిత్యాన్ని అందించారు. సింధూరి విశాల్‌ ఈ పాటను పాడారు. మనలో మనకు పండుగ వచ్చిందే చాన్నాళ్ళకి.. అలికి అలికి ఊరే అలికి.. ముగ్గులు ఏసేద్దాం ముంగిళ్లకే అంటూ ఈ పాట కొనసాగుతుంది. అందరికీ మంచి జరిగిన సందర్భంలో గూడెం ప్రజలంతా సంతోషంలో తేలిపోతున్న సందర్భంలో సినిమాలో ఈ పాట వస్తుంది.