SREELEELA: బంపర్ ఆఫర్ కొట్టేసిన యంగ్ బ్యూటీ.. ఏకంగా ఆ స్టార్ హీరోతో రొమాన్స్‌కు రెడీ..?

దిశ, సినిమా: యంగ్ బ్యూటీ శ్రీ లీల గురించి ప్రత్యేకంగా చెప్పాల్సిన పని లేదు. ‘పెళ్ళి సందడి’ సినిమాతో టాలీవుడ్ ఇండస్ట్రీకి ఎంట్రీ ఇచ్చి.. తన ఫస్ట్ మూవీతోనే తెలుగు ప్రేక్షకుల్లో మంచి గుర్తింపు సంపాదించుకున్నది. దీంతో ఈ అమ్మడుకు వరుస ఆఫర్లు క్యూ కట్టాయి. అలా వచ్చిన అన్ని సినిమాల్లో నటించి మెప్పించింది. కానీ ఈ అమ్మడు ఖాతాలో హిట్స్ కంటే ప్లాపులే ఎక్కువ పడటంతో సినిమాలకు కొంత బ్రేక్ ఇచ్చింది. అలా బ్రేక్ ఇచ్చిన ఈ బ్యూటీ మళ్లీ వరుస సినిమాలతో ఫుల్ బిజీ బిజీగా అవుతోంది. ఇందులో భాగంగా తన చేతిలో ‘ఉస్తాద్ భగత్ సింగ్’, ‘రాబిన్ హుడ్’ సినిమాలతో పాటు ‘పుష్ప 2’ లో కిస్సిక్ అనే ఓ స్పెషల్ సాంగ్‌లో అలరించనుంది. ఈ క్రమంలో ఈ భామకు సంబంధించిన ఓ న్యూస్ నెట్టింట వైరల్‌గా మారింది.

శ్రీలీల ఇప్పుడు కోలీవుడ్‌లో అడుగుపెట్టడానికి రెడీ అవుతున్నారు. గతంలో దళపతి విజయ్ నటించిన ‘గోట్’ సినిమాలో స్పెషల్ సాంగ్ కోసం భామను సంప్రదించగా నో చెప్పారు. కానీ ఈసారి హీరోయిన్‌గా శివ కార్తికేయన్‌తో ఛాన్స్ కొట్టేసినట్టుగా తెలుస్తోంది. శివ కార్తికేయన్‌ ఇటీవల ‘అమరన్‌’ చిత్రంతో సూపర్ హిట్ అందుకున్నాడు. ప్రస్తుతం ఏఆర్‌ మురుగదాస్‌ దర్శకత్వంలో ఓ సినిమా చేస్తున్నాడు. ఈ మూవీ తర్వాత లేడీ డైరెక్టర్ సుధా కొంగరతో ఓ సినిమా చేయడానికి ప్లాన్ చేస్తున్నాడు. ‘పురనానూరు’ టైటిల్‌తో చారిత్రక నేపథ్యంలో తెరకెక్కనున్న ఈ సినిమాలో శ్రీలీల ఫైనల్ అయినట్టుగా తెలుస్తోంది. త్వరలోనే అధికారిక ప్రకటన కూడా రానుందని సమాచారం. ఏదేమైనా.. శ్రీలీల ఓ రేంజ్‌లో దూసుకుపోతోందనే చెప్పాలి. ప్రస్తుతం ఈ న్యూస్ నెట్టింట వైరల్‌గా మారింది.