'మేజర్' సినిమాపై విజయ్ దేవరకొండ ఆసక్తికర ట్వీట్..

దిశ, వెబ్‌డెస్క్: ఇటీవల శశి కిరణ్‌ తిక్క దర్శకత్వంలో అడివిశేష్‌ హీరోగా నటించిన చిత్రం 'మేజర్‌'. ఈ సినిమా జూన్‌ 3న విడుదలై పాజిటివ్‌ టాక్‌తో దూసుకెళ్తోంది. ఈ మూవీపై అల్లు అర్జున్‌ వంటి స్టార్స్ ప్రశంసలు కురిపించారు. తాజాగా ఈ సినిమాను చూసిన మరో యంగ్‌ హీరో సినిమా మీద, అడివి శేష్ మీద ప్రశంసల వర్షాన్ని కురిపించాడు. హైదరాబాద్‌లో ఈ చిత్రాన్ని చూసిన రౌడీ హీరో విజయ్‌ దేవరకొండ మేజర్‌ చిత్రంపై ప్రశంసలు కురిపిస్తూ ట్వీట్‌ చేశాడు. 'మేజర్ సందీప్ జీవితం ఆదర్శవంతం. దేశభక్తి విషయంలో ఆయనను చూసి నేర్చుకోవాల్సింది ఎంతో ఉంది. నిజంగా ఇలాంటి వీర పుత్రుడిని కన్న మేజర్‌ సందీప్ తల్లిదండ్రులు గొప్పవారు. ఈ సినిమాలో చిత్ర బృందం ప్యాషన్, ప్రేమ, సిన్సియారిటీ కనిపించాయి. హీరో అడివి శేష్ సహా టీమ్ మెంబర్స్ అందరికీ శుభాకాంక్షలు' అంటూ విజయ్‌ రాసుకొచ్చాడు. ఈ మేరకు విజయ్ దేవరకొండ చేసిన ట్వీట్ అందరినీ ఆకట్టుకుంటోంది.