Eesha Rebba మత్తులో స్టార్ డైరెక్టర్.. భార్యకు విడాకులు ఇచ్చి మరి..

దిశ, వెబ్‌డెస్క్ : ఫేస్ బుక్‌లో పెట్టిన ఫొటోలతో హీరోయిన్‌గా మారిన బ్యూటీ ఈషా రెబ్బ. పక్కా తెలంగాణ పిల్ల అయిన ఈ అమ్మడు తన గ్లామరస్ ఫొటోలతో రాత్రికి రాత్రే నటీమణి అయిపోయింది. దర్శకుడు ఇంద్రగంటి మోహన్ కృష్ణ ఆమె చిత్తరువుకు ఫిదా అయిపోయి 'అంతకు ముందు ఆ తర్వాత' చిత్రంలో హీరొయిన్‌గా ఛాన్స్ ఇచ్చారు. అలా 2012 సినీ ఇండ్రస్టీకి ఎంట్రీ ఇచ్చిన ఈషా.. ఇప్పటి వరకు తెలుగు, తమిళంలో 16 చిత్రాల్లో నటించింది. మంచి నటిగా పేరు తెచ్చుకున్న ఈషా.. అరవింద సమేత వీర రాఘవలో ఎన్టీఆర్‌తోనూ కలిసి చేసింది.

టాలీవుడ్, కోలీవుడ్‌లో దూసుకుపోతున్న ఈ అమ్మడు ప్రస్తుతం హాట్ టాపిక్‌గా మారింది. ఈషా త్వరలో పెళ్లి చేసుకోబోతున్నట్లు ఫిల్మ్ నగర్‌లో వార్త హల్ చల్ చేస్తోంది. అది కూడా ఇప్పటికే పెళ్లై విడాకులు తీసుకున్న డైరెక్టర్‌తో పెళ్లి పీటలు ఎక్కబోతుందని టాక్ వినిపిస్తోంది. ఈషా నటించిన ఓ చిత్రానికి ఆయనే డైరెక్షన్ చేశారని.. ఆ సమయంలోనే ఇద్దరు ప్రేమలో పడ్డారని ప్రచారం సాగుతుంది. ఈ మధ్యన్నే పెళ్లి చేసుకున్న సదరు దర్శకుడు.. భార్యకు ఇటీవలే విడాకులు ఇచ్చాడు.. ఇక ఈషాతో పెళ్లికి ఎలాంటి అడ్డంకి లేకపోవడంతో అతి త్వరలో పెళ్లి భాజా మోగించేందుకు సిద్ధమయ్యాడని.. దీనికి ఈ హైదరాబాదీ పోరి కూడా ఓకే చెప్పిందని టాలీవుడ్ కోడై కూస్తోంది. ఈ అమ్మడు కోసమే భార్యకు విడాకులు ఇచ్చాడనే ప్రచారమూ జరుగుతోంది. మరి ఈ మ్యారేజ్‌పై ఈషా రెబ్బ అధికారికంగా ఎప్పుడు స్పందిస్తుందో వేచి చూడాలి.