Rajamouli: ఇట్స్ అఫీషియల్.. ఓటీటీలోకి రాబోతున్న ‘బిహైండ్ అండ్ బియాండ్’ డాక్యుమెంటరీ

దిశ, సినిమా: టాలీవుడ్ దర్శకధీరుడు రాజమౌళి(Rajamouli) ‘ఆర్ఆర్ఆర్’ సినిమాతో ఒక్కసారిగా ప్రపంచవ్యాప్తంగా ఉన్న సినీ ప్రియులకు మంత్రముగ్దులను చేశారు. ఈ చిత్రం 2022లో విడుదలై ఎంతో మంది ప్రేక్షకుల ఆదరణ పొందడంతో పాటు పలు అవార్డులను కూడా సొంతం చేసుకుని అందరి దృష్టిని ఆకర్షించింది. అంతేకాకుండా ఆస్కార్ అవార్డు(Oscar Award) దక్కించుకున్న చిత్రంగా రికార్డు సృష్టించింది. ఇదిలా ఉంటే.. ఈ సినిమా స్థాయిని మరింత పెంచడానికి రాజమౌళి ‘ఆర్ఆర్ఆర్’ మూవీపై డాక్యుమెంటరీని సిద్ధం చేశారు.

ఈ విషయాన్ని తెలుపుతూ ఇటీవల డీవీవీ ఎంటర్‌టైన్‌మెంట్స్(DVV Entertainments) అధికారిక ప్రకటన కూడా విడుదల చేసింది. ఇక ఈ విషయం తెలుసుకున్న వారిలో క్యూరియాసిటీ పెరిగింది. ఈ డాక్యుమెంటరీ థియేటర్స్‌లో విడుదల చేస్తారా? లేక ఓటీటీలో స్ట్రీమింగ్ అవుతుందా అని ఆసక్తిగా ఎదురుచూస్తున్నారు. ఈ క్రమంలో.. తాజాగా, ఈ విషయంపై అధికారిక ప్రకటన విడుదల అయింది.

‘ఆర్‌ఆర్‌ఆర్: బిహైండ్ అండ్ బియాండ్’(RRR: Behind and Beyond) హక్కులను ప్రముఖ ఓటీటీ సంస్థ నెట్‌ఫ్లిక్స్(Netflix) సొంతం చేసుకుంది. ఈ విషయాన్ని తెలుపుతూ ‘X’ ద్వారా ఓ ట్వీట్ చేసింది. ‘‘తెర వెనుక, వారసత్వానికి మించి. ఎస్‌ఎస్ రాజమౌళి మాగ్నమ్ ఓపస్ మేకింగ్ ‘ఆర్‌ఆర్‌ఆర్: బిహైండ్ అండ్ బియాండ్’(RRR: Behind and Beyond) . డిసెంబర్ 27న నెట్‌ఫ్లిక్స్‌లో స్ట్రీమింగ్ అందుబాటులోకి రాబోతుంది కచ్చితంగా చూడండి’’ అని రాసుకొచ్చారు. అలాగే ఓ పోస్టర్‌ను కూడా షేర్ చేయడంతో సినీ ప్రియులు ఆనందపడుతున్నారు.