భారీ ధరకు అమ్ముడు పోయిన టిల్లు స్క్వేర్‌ ఓటీటీ రైట్స్..కొన్నది ఎవరంటే?

దిశ, సినిమా : డీజే టిల్లు మూవీ బాక్సాఫీస్ వద్ద రికార్డ్స్ క్రియేట్ చేసిన విషయం తెలిసిందే. సిద్దు జొన్నలగడ్డ, నేహాశెట్టి నటించిన ఈ మూవీ ఎలాంటి అంచనాలు లేకుండా విడుదలై మంచి బజ్ క్రియేట్ చేసింది. ఇక టిల్లు అన్న డీజే పెడితే అంటూ.. యూత్‌లో మంచి క్రేజ్ సంపాదించిది ఈ మూవీ టైటిల్ సాంగ్.అలాగే ఈ సినిమాలో సిద్దు బాడీ లాంగ్వేజ్ అందరినీ ఆకట్టుకుంది. దీంతో డీజే టిల్లుకు సిక్వెల్‌గా టిల్లు స్క్వేర్ రాబోతుంది.

మల్లిక్ రామ్ దర్శకత్వంలో సిద్ధు జొన్నలగడ్డ హీరోగా, అనుపమ పరమేశ్వరన్ హీరోయిన్‌గా నటించిన ఈ రొమాంటిక్ క్రైమ్ కామెడీ మూవీ మార్చి 29న థియేటర్లలో విడుదల కానుంది. ఈ క్రమంలో ఈ సినిమాకు సంబంధించిన ఓ ఇంట్రెస్టింగ్ న్యూస్ నెట్టింట తెగ వైరల్ అవుతోంది.

థియేటర్‌లో రిలీజ్ కాకముందే ‘టిల్లు స్క్వేర్‌’ రికార్డులు సృష్టిస్తోంది. ఈ సినిమా ఓటీటీ రైట్స్‌ ప్రముఖ ఓటీటీ వేదిక నెట్‌ఫ్లిక్స్‌ దక్కించుకున్నట్లు తెలుస్తోంది. రూ.35 కోట్లకు ఈ డీల్ పూర్తైనట్లు టాలీవుడ్‌లో టాక్ వినిపిస్తుంది. ఇక మూవీ రిలీజ్ కాకముందే మంచి బజ్ ఏర్పడి, అంత రెట్టింపుకు ఓటీటీ కొనుగోలు చేయడంతో, మూవీపై భారీ అంచనాలు పెరిగిపోయాయి.