'గోల్డ్'పై అఫిషియల్ అనౌన్స్‌మెంట్.. తెలుగు రాష్ట్రాల్లో కూడా..

దిశ, సినిమా: పృథ్వీ రాజ్‌ సుకుమారన్‌, నయనతార జంటగా నటించిన చిత్రం 'గోల్డ్‌'. ఆల్ఫోన్స్‌ పుతేరన్‌ దర్శకత్వం వహించిన ఈ సినిమా.. చాలా రోజులుగా వాయిదా పడుతూ వస్తోంది. ఎట్టకేలకు ఈ సినిమాను వచ్చే నెలలో డిసెంబర్ 1న తమిళ, మలయాళ భాషల్లో విడుదల కానుంది అంటూ అనౌన్స్ చేశారు మేకర్స్. ఈ సందర్భంగా షేర్ చేసిన వీడియో.. మూవీపై క్యూరియాసిటీ పెంచుతోంది. ఇక తెలుగులో పృథ్వీ రాజ్‌ సుకుమారన్‌, నయనతార సినిమాలకు మంచి క్రేజ్‌ ఉంటుందని ప్రత్యేకంగా చెప్పనవసరం లేదు. అయితే 'గోల్డ్‌' సినిమా తెలుగులో ఎప్పుడు వస్తుందనేది క్లారిటీ రావాల్సి ఉంది. ఈ చిత్రంలో కృష్ణ శంకర్‌, అజ్మల్‌ అమీర్‌, శబరీశ్‌ వర్మ కీలక పాత్రల్లో నటిస్తున్నారు.