ప్రభాస్ సినిమాపై ఆ హీరోయిన్.. షాకింగ్ కామెంట్స్ !

దిశ, సినిమా: శివ కందుకూరి హీరోగా, రాశి సింగ్ హీరోయిన్‌గా నటించిన లేటెస్ట్ మూవీ ‘భూతద్దం భాస్కర్ నారాయణ’. పురుషోత్తం దాస్ దర్శకత్వంలో ఈ చిత్రాన్ని స్నేహాల్, శశిధర్ నిర్మించగా ఇప్పటికే విడుదలైన ఫస్ట్ లుక్, టీజర్‌తో ఈ సినిమాపై మంచి బజ్ క్రియేట్ అయింది. ఇక ఈ మూవీ మార్చి 1న థియేటర్స్‌లో విడుదల కానున్న నేపథ్యంలో, ఇప్పటికే ప్రమోషన్స్‌ మొదలెటింది మూవీ టీం.

ఇందులో భాగంగా తాజాగా హీరోయిన్ రాశి సింగ్ మీడియాతో మాట్లాడుతూ.. ప్రభాస్ మూవీపై షాకింగ్ కామెంట్స్ చేసింది.. ‘పెద్ద హీరో, పెద్ద బడ్జెట్.. పెద్ద స్టాప్ ఉన్నప్పటికీ ‘ఆదిపురుష్’ లో విజువల్ ఎఫెక్ట్స్ చాలా ఘోరంగా అనిపించాయి. చిన్న సినిమాల్లో కూడా అంత ఘోరమైన గ్రాఫిక్స్ వర్క్ నేను చూడలేదు. కానీ మా ‘భూతద్దం భాస్కర్ నారాయణ’ సినిమాలో వి.ఎఫ్.ఎక్స్ క్వాలిటీగా అనిపిస్తాయి. నిర్మాతలు వాటి విషయంలో అస్సలు కాంప్రమైజ్ కాలేదు. పెద్ద సినిమాకి ఎలా బడ్జెట్ పెడతారో.. ఈ సినిమాకి కూడా అలాగే బడ్జెట్ పెట్టారు’ అంటూ చెప్పుకొచ్చింది. ప్రజంట్ రాశి సింగ్ కామెంట్స్ సోషల్ మీడియాలో దుమారం రేపుతున్నాయి.