టీడీపీ, జనసేనపై తారకరత్న.. 'పవన్ బాబాయ్' అంటూ వ్యాఖ్యలు
దిశ, సినిమా : నందమూరి తారకరత్న చాలా ఏళ్ల తర్వాత తరచూ వార్తల్లో నిలుస్తున్నారు..latest telugu news
దిశ, సినిమా : నందమూరి తారకరత్న చాలా ఏళ్ల తర్వాత తరచూ వార్తల్లో నిలుస్తున్నారు. రీసెంట్‌గా తను '9 అవర్స్' అనే వెబ్ సిరీస్‌లో నటించిన విషయం తెలిసిందే. ప్రమోషన్స్‌లో భాగంగా పలు ఇంటర్వూలకు హాజరైన తారకరత్న.. ఈ సందర్భంగా ఆంధ్రప్రదేశ్‌లో టీడీపీ రాజకీయాలు, పవన్ కళ్యాణ్ గురించి ఆసక్తికర విషయాలు పంచుకున్నారు.
'ప్రజల్లోకి వెళ్లి సేవ చేయాలనే కోరిక నాలో ఉంది. కానీ రాజకీయాల గురించి అవగాహన లేదు. ఇక బాలకృష్ణ బాబాయ్, జూనియర్ ఎన్టీఆర్, నేను టీడీపీ కోసమే కష్టపడి పనిచేస్తాం' అని పేర్కొన్నాడు. ఇక పవన్ కళ్యాణ్‌ను బాబాయ్ అని పిలవడం తనకు అలవాటని చెప్పిన తారకరత్న.. ఆయన ప్రజల కోసం పోరాడుతున్నాడని తెలిపాడు. అంతేకాదు రాబోయే ఎన్నికల్లో చంద్రబాబు, పవన్‌కు మధ్య పోటీ ఉండదనిపిస్తోందని అభిప్రాయపడ్డాడు. కాగా ప్రస్తుతం ఈ వ్యాఖ్యలు సోషల్ మీడియాలో వైరల్ అవుతున్నాయి.