సుబ్బమ్మ కథ సినిమాలో యువతకు కావాల్సిన అంశాలున్నాయి: కిరణ్‌

దిశ, సినిమా: ఎస్తేర్‌, శ్యామ్‌ షెల్వన్‌, హాన్విక, రితిక గ్రీష్మ, ముఖ్యతారలుగా రూపొందుతున్న చిత్రం 'ఈమె సుబ్బమ్మ ఇదియే ఈమె కథ'. కిరణ్‌ దర్శకత్వంలో మంద మల్లికార్జున రెడ్డి నిర్మిస్తున్న ఈ మూవీ ఆదివారం హైదరాబాద్‌ రామానాయుడు స్టూడియోలో ప్రారంభమైంది. సినిమాలోని ముఖ్య తారాగణంపై చిత్రీకరించిన ముహుర్తపు సన్నివేశానికి జీఎల్‌ ఫణికాంత్‌ కెమెరా స్వీచాన్‌ చేయగా, మంద మల్లికార్జున రెడ్డి క్లాప్‌ ఇచ్చారు. ఈ సందర్భంగా దర్శకుడు కిరణ్‌ మాట్లాడుతూ.. ‘‘ఓ అందమైన ప్రేమ కథతో తెరకెక్కుతున్న ఈ చిత్రంలో మంచి సందేశం కూడా ఉంది. యువతకు కావాల్సిన అంశాలతో పాటు కుటుంబ బంధాలు, భావోద్వేగాలు కూడా ఈ సినిమాలో ఉన్నాయి. ఇందులో ఉండే సందేశం ప్రతి ఒక్కరిని ఆలోచింపజేస్తుంది’’ అని అన్నారు.