ఒప్పుకున్న సినిమాల నుంచి తప్పుకుంటున్న శ్రీలీల

దిశ, సినిమా: ప్రజెంట్ తెలుగు ఇండస్ర్టీలో మారుమోగుతున్న హీరోయిన్ పేరు శ్రీలీల. వరుస చిత్రాలు చేస్తు స్టార్ హీరోలకు ధీటుగా ఫుల్ బిజీ అయిపోయింది ఈ ముద్దుగుమ్మ. రీసెంట్‌గా బాలయ్యతో కలిసి ‘భగవంత్ కేసరి’ సినిమాలో నటించి అద్భుతమైన పర్ఫామెన్స్‌తో అదరగొట్టింది. అయితే తాజాగా ఒక స్టార్ హీరో సినిమాలో హీరోయిన్‌గా ఓకే అయిన బ్యూటీ.. స్టోరీ నచ్చకపోవడంతో తప్పుకున్నట్టుగా కొన్ని వార్తలు వచ్చిన విషయం తెలిసిందే. మరి ఆ స్టార్ హీరో ఎవరు అనేది తెలియనప్పటికీ ఈ వార్త మాత్రం వైరల్ అయింది.

అయితే హీరోయిన్ కృతి శెట్టి మాదిరిగా వచ్చిన ఆఫర్లు ఒప్పుకోకుండా, కథలో తన పాత్రను చూసుకుని మూవీకి ఓకే చేస్తుందట శ్రీలీల. అంటే తన క్యారెక్టర్‌కు ఇంపార్టెన్స్ లేని పాత్రలో నటించనని కరాఖండిగా చెప్పేస్తుందట. ఇందులో భాగంగా ఒప్పుకున్న కొన్ని సినిమాల నుంచి కూడా తప్పుకుంటుందట. ఇక ఇదే ఆలోచనతో సినిమాలు చేస్తే మాత్రం శ్రీలీల నిజంగా స్టార్ హీరోయిన్‌గా చాలా కాలం పాటు ఇండస్ట్రీలో కొనసాగడం పక్కా అంటున్నారు విశ్లేషకులు.