‘రాజాసాబ్’ నుంచి సాలిడ్ అప్‌డేట్..! నిర్మాతలకు రూ. 100 కోట్లు మిగిల్చిన ప్రభాస్!

దిశ, సినిమా: పాన్ ఇండియా స్టార్ ప్రభాస్.. తాను నటిస్తున్న వరుస చిత్రాల్లో ఒక్కొక్కటిగా కంప్లీట్ చేస్తూ వస్తున్నాడు. ఇందులో గ్లోబల్ సైన్స్ ఫిక్షన్ మూవీ ‘కల్కి 2898 ఏడీ’ ఒకటి. ఈ మూవీ షూటింగ్ దాదాపు పూర్తి కాగా.. ఇది ఈ ఏడాది మే 9న రిలీజ్ కానుంది. ఇక దీంతో పాటుగా ప్రభాస్ మారుతీ డైరెక్షన్‌లో ‘రాజాసాబ్’ మూవీ కూడా చెస్తున్నట్లు ఇప్పటికే ప్రకటించిన విషయం తెలిసిందే. ఈ మూవీలో ఫుల్ లెంగ్త్ ఎంటర్‌టైనింగ్ క్యారెక్టర్‌లో ప్రభాస్‌ను చూపించనున్నారట మేకర్స్. ఇక థమన్ సంగీతం అందిస్తున్న ఈ మూవీలో హీరోయిన్లు, నటులకు సంబంధించిన విషయాలు ఇంకా తెలియాల్సి ఉంది. ఇదిలా ఉంటే.. ఈ చిత్రం నుంచి ఓ సాలిడ్ న్యూస్ ప్రస్తుతం నెట్టింట వైరల్‌గా మారింది. అదేంటంటే..

‘రాజసాబ్’ సినిమా కోసం ప్రభాస్ రెమ్యునరేషన్ తీసుకోవడం లేదని సోషల్ మీడియాలో ఓ వార్త తెగ వైరల్ అవుతోంది. ఈ మూవీకి రెమ్యునరేషన్ కాకుండా.. బిజినెస్‌లో వాటా తీసుకోవాలని ప్రభాస్ ఆలోచిస్తున్నాడట. ఇదే నిజమైతే పీపుల్ మీడియా ఫ్యాక్టరీకి కనీసం రూ. 100 కోట్లకు పైగా ప్రస్తుతానికి మిగిలినట్లే. ఇందులోనూ విజువల్ ఎఫెక్ట్స్ భారీగా ఉండబోతున్నాయి. అందుకే బడ్జెట్ లిమిట్‌లో ఉంచడానికే రాజా సాబ్‌కు ప్రభాస్ రెమ్యునరేషన్ తీసుకోవడం లేదని తెలుస్తుంది. కాగా.. ప్రభాస్ ఈ మూవీస్‌తో పాటు ‘సలార్ 2, స్పిరిట్’ వంటి సినిమాలతో కూడా బిజీగా ఉన్నాడు. వీటన్నింటికి తగ్గట్టుగా తన షెడ్యూల్ నిర్ణయించుకున్నాడట ప్రభాస్.