మీ గెలుపు కోరుకుంటున్నా.. సమంత పోస్ట్ పై నెట్టింట్లో చర్చ!

దిశ, సినిమా : టాలీవుడ్ స్టార్ హీరోయిన్ సమంత గురించి ఎంత చెప్పినా తక్కువే. ఈ ముద్దుగుమ్మ తన అందం, నటనతో ఎంతో మందిని ఆకట్టుకుంది. ఏమాయ చేశావే సినిమాతో తెలుగు చిత్ర పరిశ్రమలోకి అడుగు పెట్టిన ఈ ముద్దుగుమ్మ మొదటి సినిమాతోనే బ్లాక్ బస్టర్ హిట్ అందుకుంది. ఇక ఆతర్వాత సమంత వెనక్కి తిరిగి చూసుకోలేదు. వరసగా ఆఫర్స్ అందుకుంటూ కోలీవుడ్, టాలీవుడ్‌లో తన నటనతో మాయ చేసింది. స్టార్ హీరోల అందరరిసరసన నటించడం, ఆ సినిమాలు కూడా బ్లాక్ బస్టర్ హిట్ అందుకోవడంతో ఈ అమ్మడు లక్కీ గర్ల్‌గా కూడా మారిపోయింది. దీంతో అమ్మడుకు వరసగా ఆఫర్స్ క్యూ కట్టాయి. అలా టాలీవుడ్ నెంబర్ వన్ హీరోయిన్‌గా మారిపోయింది. ఇక ప్రస్తుతం సమంత చేతిలో పెద్ద ప్రాజెక్ట్స్ ఏం లేనట్లు తెలుస్తోంది. ఇక ఎప్పుడు సోషల్ మీడియాలో యాక్టివ్‌గా ఉండే ఈ ముద్దుగుమ్మ, ఎప్పటికప్పుడు తన అభిమానులతో పర్సనల్ విషయాలను షేర్ చేసుకుంటూ ఉంటుంది.

అయితే తాజాగా సమంత చేసిన పోస్ట్ సోషల్ మీడియాలో తెగ వైరల్ అవుతోంది. అది ఏమిటంటే? నేను మీరు గెలుస్తారని ఆశిస్తున్నాను అంటూ ఆమె తన ఇన్ స్టాలో ఓ పోస్ట్ చేసింది. ‘నీ హృదయం ఏది కోరుకున్నా, మీ ఆకాంక్షలు ఏమైనా, నేను మీ కోసం నిలబడతాను. మీరు గెలవడానికి అర్హులు’ అని సమంత పోస్ట్ చేసింది. దీంతో ఇది కాస్త నెట్టింట తెగ వైరల్ అవుతోంది. సమంత ఎవరిని ఉద్దేశించి ఈ పోస్ట్ పెట్టిందని నెటిజన్స్ తెగ చర్చిస్తున్నారు. అయితే ఆమె ఆర్సీబీకి సపోర్ట్ చేస్తూ.. ఆ టీమ్ కప్పు కొట్టాలని కామెంట్ చేసిందని కొంతమంది కామెంట్స్ చేస్తున్నారు. కాగా, దీని గురించి క్లారిటీగా తెలియదు.