సినిమాల్లోకి సూపర్ స్టార్ కిడ్స్.. అసలు విషయం రివీల్ చేసిన సితార!

దిశ, సినిమా: టాలీవుడ్, కోలీవుడ్, బాలీవుడ్, మాలీవుడ్, సాండల్‌వుడ్ ఫిల్మ్ ఇండస్ట్రీల్లో స్టార్ కిడ్స్ సినిమాల్లోకి ఎంట్రీ ఇస్తున్నారు. కొంతమంది తల్లిదండ్రులకు తగ్గ తనయులు, కూతుళ్లు అనిపించుకుంటూ ఇండస్ట్రీలో కొనసాగుతున్నారు. అయితే టాలీవుడ్ ఇండస్ట్రీలోని కొంతమంది స్టార్ కిడ్స్ మూవీస్ చేయడానికి రెడీ అవుతున్నారు. ఇదే విషయంపై.. తాజాగా, ఓ ఇంటర్వ్యూలో పాల్గొన్న సూపర్ స్టార్ మహేష్ బాబు కూతురు సితార ఆసక్తికర కామెంట్స్ చేసింది. ‘‘ఇప్పటికే నేను యాక్టింగ్ స్కిల్స్ నేర్చుకోవడం మొదలు పెట్టాను. ఢిల్లీ, లండన్ వంటి చోట్లలో యాక్టింగ్‌కు సంబంధించిన పరీక్షలు కూడా రాసి మంచి స్కోర్ సాధించాను.

తొందరలోనే హీరోయిన్‌గా ఎంట్రీ ఇవ్వడానికి అన్ని నేర్చుకుంటున్నా. నాకు ఒక సంవత్సరం క్రితం స్టేజ్ ఫియర్ ఉండేది, కానీ ఇప్పుడు నేను దానిని అధిగమించాను. మా అన్నయ్య గౌతమ్ కూడా న్యూయార్క్ ఫిల్మ్ అకాడమీలో నాలుగేళ్ల యాక్టింగ్ కోర్స్ చేస్తున్నాడు. అది పూర్తి కాగానే ఇండస్ట్రీకి ఎంట్రీ ఇచ్చే ప్లాన్‌లో ఉంటాడు. మేమిద్దరం యాక్టింగ్ ఫ్రొఫెషన్‌ను ఎంపిక చేసుకున్నందుకు మా నాన్న హ్యాపీగా ఫీలవడంతో పాటు ఎంకరేజ్ చేస్తున్నారు’’ అని చెప్పుకొచ్చింది. ప్రస్తుతం సితార చేసిన కామెంట్లు సోషల్ మీడియాలో వైరల్ అవుతున్నాయి. ఇక ఈ విషయం తెలిసిన సూపర్ స్టార్ ఫ్యాన్స్ ఫుల్ ఖుషీ అవుతున్నారు. కాగా, సితార ఇప్పటికే ఓ యాడ్‌లో చేసి ప్రపంచవ్యాప్తంగా భారీ పాపులారిటీ దక్కించుకుంది. అంతేకాకుండా సోషల్ మీడియాలోనూ పలు పోస్టులతో అత్యధిక ఫాలోవర్స్‌ను సంపాదించుకుని అందరి దృష్టిని ఆకర్శిస్తోంది.