మెగాస్టార్ సినిమాను రిజెక్ట్ చేసిన సిద్ధు జొన్నలగడ్డ.. మరీ ఫేవరెట్ హీరో ఎవరు?

దిశ, సినిమా: ప్రస్తుతం రెండు తెలుగు రాష్ట్రాల్లో రామ్ మల్లిక్ తెరకెక్కించిన ‘టిల్లు స్వ్కేర్’ సినిమా థియేటర్లను షేక్ చేస్తుంది. రెండ్రోజుల్లోనే 40 కోట్లకు పైగా భారీ వసూళ్లను రాబడుతూ బాక్సాఫీసును ఓ ఊపు ఊపుతుంది. సిద్ధు జొన్నలగడ్డ సందడి చూడటానికి చిన్నా, పెద్దా అని తేడా లేకుండా థియేటర్ల వద్ద క్యూ కడుతున్నారు. రికార్డులు బ్రేక్ చేసే కలెక్షన్లతో దూసుకుపోతున్న ఈ చిత్రంలో అనుపమ రొమాంటిక్ సీన్లకైతే యువత పిచ్చోళ్లైపోతున్నారు.

సిద్ధు జొన్నలగడ్డ - అనుపమ మధ్య కెమిస్ట్రీ జనాల్ని విపరీతంగా ఆకట్టుకుంటోంది. రామ్ మల్లిక్ ఈ స్టోరీని.. సిద్ధు - అనుపమ మధ్య నడిపించిన విధానం థ్రిల్లింగ్‌గా ఉంది. ఇకపోతే ప్రస్తుతం ఈ చిత్ర ప్రచారాల్లో భాగంగా సిద్ధు జొన్నలగడ్డ చేసిన కామెంట్లు సోషల్ మీడియాలో వైరల్ అవుతున్నాయి. ‘‘గతంలో మెగాస్టార్ మెగాస్టార్ చిరంజీవి మూవీలో నటించే అవకాశం వచ్చిందని.. కానీ ఈ సినిమాను రిజెక్ట్ చేశాను. పలు కారణాల వల్ల చేయలేకపోయాను. అయినా మెగాస్టార్ తో సినిమా అంటే ఓ రేంజ్ లో ఉండాలి.

ఆయనతో నటిస్తే లైఫ్ లాంగ్ గుర్తిండిపోవాలి. చిరుతో తప్పకుండా ఒక ఎక్ట్రార్డినరీ సినిమా చేస్తాను. చిరంజీవి మీట్ అయినప్పుడు మేము చేయలేకపోయిన మూవీ గురించి మాట్లాడుకుంటాం. ఇక టాలీవుడ్ లో విక్టరీ వెంకటేష్ అంటే చాలా ఇష్టం. ఆ హీరో సినిమాల ప్రభావం నాపై చాలా ఉంది. అలాగే రజనీకాంత్, అమితాబ్, బాలకృష్ణ అంటే కూడా ఇష్టం. సరైన సందర్భం వచ్చినప్పుడు తప్పకుండా వీరితో నటిస్తాను’’. అంటూ సిద్ధు జొన్నలగడ్డ ఇంటర్వ్యూలో చెప్పుకొచ్చాడు.