అభిమానిపై ప్రశంసలు కురిపిస్తూ ఫొటో షేర్ చేసిన సమంత.. చాలా గర్వంగా ఉందంటూ పోస్ట్

దిశ, సినిమా: స్టార్ హీరోయిన్ సమంత మయోసైటీస్ అనంతరం.. ఇప్పుడు మళ్లీ సెకండ్ ఇన్నింగ్స్ స్టార్ట్ చేసేందుకు సిద్ధంగా ఉంది. ఈ క్రమంలోనే గతంలో ఒప్పుకున్న సినిమాలను ఇప్పుడు పూర్తి చేసే పనిలో పడింది. ఇక సినిమాలతో పాటు.. సోషల్ మీడియాలో ఫుల్ యాక్టివ్ అయిన ఈ అమ్మడు.. హెల్త్‌కు సంబంధించిన వీడియో షేర్ చేస్తూ సందడి చేస్తుంది. అంతే కాకుండా.. తనకు సంబంధించిన ప్రతి అంశాన్ని అభిమానులతో పంచుకుంటూ.. ఎప్పటికప్పుడు వారికి టచ్‌లో ఉండే ప్రయత్నం చేస్తుంది. వెకేషన్లకు వెళ్తూ.. అక్కడ ఫొటోలను నెట్టింట షేర్ చేస్తూ తన అందాలతో ఆకట్టుకునే ప్రయత్నం చేస్తుంది.

ఇదిలా ఉంటే.. సమంతకు ఫ్యాన్స్ ఫాలోయింగ్ ఎక్కువ అనే విషయం తెలిసిందే. ఇక సమంత కూడా అప్పుడప్పుడు తన ఫ్యాన్స్‌ను మీట్ అవుతూ వారితో దిగిన ఫొటోలను సోషల్ మీడియాలో పంచుకుంటుంది. ఈ క్రమంలోనే తాజాగా తన అభిమానిపై ప్రశంసలు కురిపిస్తూ ఈ బ్యూటీ పెట్టి పోస్ట్ నెట్టింట వైరల్ అవుతోంది. ఈ మేరకు సమంత తన అభిమానితో ఉన్న ఫొటోను షేర్ చేస్తూ.. ‘నీ గురించి చాలా గర్వంగా ఉంది నా లిటిల్ ఛాంప్. అమృత సమంత తెలంగాణ ఎంసెట్‌లో మంచి ర్యాంక్‌తో అర్హత సాధించావు. ఒక అభిమాని నుంచి మేము ఏం కోరుకుంటామో చెప్పే ఉత్తమ క్షణం ఇది’ అంటూ క్యాప్షన్ ఇచ్చింది. ప్రస్తుతం ఇందుకు సంబంధించిన పోస్ట్ నెట్టింట వైరల్ అవుతోంది.