72 ఏళ్ల స్టార్ హీరోతో జతకట్టబోతున్న సమంత.. దుమ్మెత్తిపోస్తున్న జనాలు!

దిశ, సినిమా: టాలీవుడ్ బ్యూటిఫుల్ హీరోయిన్ సమంత ఇప్పుడిప్పుడే మయోసైటిస్ వ్యాధి నుంచి కోలుకుని.. మళ్లీ సినిమాల బాట పడుతోంది. తెలుగులో ఎన్నో సూపర్ హిట్ చిత్రాల్లో నటించి.. తన అందం, స్టైలిష్ లుక్స్, నటన, క్యూట్‌నెస్ తో తెలుగు ప్రేక్షకుల హృదయాల్లో స్థానం దక్కించుకుంది. కానీ నాగచైతన్యతో విడాకులు తీసుకోవడంతో ఉన్న ఫేమ్ మొత్తం పోయింది. సోషల్ మీడియాలో నెటిజన్లుతో సహా ఫ్యాన్స్ సైతం దారుణంగా ట్రోల్స్ చేశారు. ఇక పుష్ప చిత్రంలో ‘ఊ అంటావా మావా’ ఐటెమ్ సాంగ్ కు స్టెప్పులేసి మరింత బ్యాడ్ నేమ్ తెచ్చుకుంది. చైతన్య, సమంతకు విడాకులివ్వడానికి ఇదో కారణమని చర్చించుకున్నారు.

ఇప్పుడు చైతూ-సామ్ ఎవరి లైఫ్ లో వారు బిజీ అయిపోయారు. ప్రస్తుతం సమంత కేవలం తెలుగులోనే కాకుండా బాలీవుడ్ మూవీస్, వెబ్ సిరీస్ ల్లో కూడా నటిస్తోంది. అయితే సమంత నటుడు ముమ్మట్టితో కలిసి నటించిన గోల్డ్ లోన్ ప్రకటన సోషల్ మీడియాలో వైరల్ అయిన విషయం తెలిసిందే. కాగా ఈ గోల్డ్ లోన్ ప్రకటన తర్వాత మమ్ముట్టి తన నెక్ట్స్ సినిమాలో సమంతకు ఓ పాత్రలో అవకాశం ఇవ్వనున్నాడని సోషల్ మీడియాలో ప్రచారం జరుగుతుంది. సామ్ కూడా ఈ ప్రాజెక్ట్ కు గ్రీన్ సిగ్నల్ ఇచ్చినట్లు తెలుస్తోంది.