పాన్ ఇండియా ప్రాజెక్ట్‌లో ఆఫర్ పట్టేసిన సమంత.. హీరో ఎవరంటే..?

దిశ, సినిమా: టాలీవుడ్ స్టార్ హీరోయిన్ సమంత ఇప్పుడిప్పుడే మయోసైటీస్ వ్యాధి నుంచి కోలుకుంటుంది. ప్రస్తుతం రీఎంట్రీ ఇచ్చేందుకు ఎదురు చూస్తున్న ఈ అమ్మడు.. సోషల్ మీడియాలో యాక్టివ్‌గా ఉంటూ పలు హాట్ హాట్ ఫొటో షూట్‌లతో అభిమానులను ఆకట్టుకునే ప్రయత్నం చేస్తుంది. అంతే కాకుండా గతంలో ఒప్పుకున్న సినిమాలు కంప్లీట్ చేసే పనిలో పడిందట ఈ అమ్మడు. ఈ క్రమంలోనే బాలీవుడ్ ప్రాజెక్ట్ ‘సిటడెల్’ కంప్లీట్ చేస్తుందట. ఇదిలా ఉంటే.. ప్రస్తుతం సోషల్ మీడియాలో వైరల్ అవుతున్న సమాచారం మేరకు సమంత ఓ భారీ ప్రాజెక్ట్‌ను పట్టినట్లు తెలుస్తోంది. ఆ విషయాల్లోకి వెళితే..

ఐకాన్ స్టార్ అల్లు అర్జున్ ప్రస్తుతం ‘పుష్ప 2’ సినిమాతో బిజీగా ఉన్నాడు. ‘పుష్ప: ది రైజ్’ మూవీకి సీక్వెల్‌గా వస్తున్న ఇందులో రష్మిక మందన్న హీరోయిన్ నటిస్తుంది. ఇక ఈ మూవీ తర్వాత అట్లీ దర్శకత్వంలో ఓ సినిమా చేయబోతున్నాడట అల్లు అర్జున్. భారీ బడ్జెట్‌తో రూపొందబోతున్న ఈ సినిమా అక్టోబర్‌లో సెట్స్ మీదకు వెళ్లే అవకాశం ఉన్నట్లు టాక్. ప్రస్తుతం ఈ చిత్రానికి సంబంధించిన కథ కూడా లాక్ అయిందట. దీనికి అల్లు అర్జున్ కూడా ఒకే చెప్పడంతో.. హీరోయిన్‌తో సహా ఇతర నటీనటులు, టెక్నీషియన్లను ఫైనల్ చేసే పనిలో పడ్డాడట అట్లీ. ఈ క్రమంలోనే ఈ మూవీలో హీరోయిన్‌గా సమంతను ఒకే చేద్దాం అని చూస్తు్న్నారట. సమంతకు కథ చెప్పగా ఆమె కూడా ఒకే చెప్పిందట. అయితే ఈ వార్తల్లో ఎంతవరకు నిజం ఉందో తెలియదు కానీ.. ప్రస్తుతం ఇది నెట్టింట హాట్ హాట్‌గా వైరల్ కావడంతో సమంత ఫ్యాన్ ఫుల్ ఖుష్ అవుతున్నారు.