గడ్డకట్టే చలిలో సమంత బాక్సింగ్ ప్రాక్టీస్.. (వీడియో)

దిశ, సినిమా: స్టార్ నటి సమంత మళ్లీ సినిమాల్లో బిజీ అవుతోంది. కొంత కాలంగా అనారోగ్యంతో బాధపడిన ఆమె.. 'సిటాడెల్' షూట్ కోసం చాలా కష్టపడుతోంది. రాజ్‌-డీకే దర్శకత్వంలో తెరకెక్కుతున్న రుస్సో బ్రదర్స్ ప్రాజెక్ట్‌లో హై-ఆక్టేన్ యాక్షన్ సీన్స్ కోసం స్పెషల్ ట్రైనింగ్ తీసుకుంటోంది.

ఈ క్రమంలోనే తాజాగా చిత్ర బృందంతో జాయిన్ అయిన సామ్.. ఉత్తరాఖండ్‌లోని నైనిటాల్‌‌లో ఇందుకు సంబంధించిన కసరత్తులు మొదలుపెట్టింది. ఈ మేరకు 8 డిగ్రీల చలిలో యాక్షన్ సీన్స్ కోసం బాక్సింగ్ ప్రాక్టీస్ చేస్తున్న వీడియోను ఇన్‌స్టాలో షేర్ చేస్తూ.. 'మై ఫేవరేట్ మ్యాన్ యానిక్ బెన్ లెట్స్ గో !!' అంటూ క్యాప్షన్ రాసుకొచ్చింది. ప్రస్తుతం ఈ వీడియో వైరల్ అవుతుండగా.. సామ్ కమిట్‌మెంట్‌కు ఫ్యాన్స్ ఫిదా అవుతున్నారు.