టాలీవుడ్ స్టార్ హీరోతో ఆర్జీవీ.. స్పెషల్ ఇంటర్వ్యూ రాబోతుందంటూ ఆసక్తికర పోస్ట్

దిశ, సినిమా: టాలీవుడ్ డైరెక్టర్ ఆర్జీవీ ఒకప్పుడు పలు సినిమాలు తెరకెక్కించి ప్రేక్షకులను అలరించారు. అంతేకాకుండా పలు వివాదాస్పద మూవీస్‌తో ఇండస్ట్రీలో సంచలనం సృష్టించాడు. అయితే గత కొద్ది రోజుల నుంచి ఆర్జీవీ పలు వివాదాస్పద కామెంట్స్‌ సోషల్ మీడియాలో దుమారం రేపుతున్న సంగతి తెలిసిందే. అంతేకాకుండా పలు పోస్టులు కూడా పెడుతూ రచ్చ చేస్తున్నారు. అలాగే పలు సినిమాలు తెరకెక్కిస్తూ అభిమానుల పెంచుకుంటున్నారు.

ఆయన ఎలాంటి మూవీస్ చేసినప్పటికీ ఫాలోయింగ్ పెరుగుతుందే తప్ప తగ్గడం లేదు అనడంలో అతిశయోక్తి లేదు. ఈ క్రమంలో.. తాజాగా, ఆర్జీవీ ఇన్‌స్టాగ్రామ్ వేదికగా రెండు ఇంట్రెస్టింగ్ ఫొటోలు షేర్ చేస్తూ ఆసక్తికర విషయాన్ని ప్రకటించారు. అందులో టాలీవుడ్ స్టార్ రానా దగ్గుబాటితో కూర్చుని ఇంటర్వ్యూ చేసిన స్టిల్ అందరినీ ఆకట్టుకుంటుంది. ‘‘రానా దగ్గుబాటి ట్యాలెంట్ చూసి ఆశ్చర్యపోయాను. నటుడు, నిర్మాత, వ్యాపారవేత్త, హోస్ట్.. ఇలా ఎన్నో తెలుసు.

అన్నింటిలో రాణిస్తున్న అతని టాలెంట్ చూసి నేను ఆశ్చర్యపోయాను. దేవుడికి తెలిసినవన్నీ రానాకు తెలుసు అనుకుంట. అమెజాన్ కోసం ఈ స్పెషల్ ఇంటర్వ్యూ చేశాం. నా లైఫ్ ని, నా డైరెక్షన్ కెరీర్ ని తీర్చిదిద్దింది ఎవరు అనే కాన్సెప్ట్ మీద మాట్లాడాను. ఆయన ఇంటర్వ్యూలకు మాత్రమే పరిమితం కాకుండా అతను ధరించే బహుళ టోపీల గురించి కూడా చర్చించాను’’ అని రాసుకొచ్చాడు. అంతేకాకుండా అమెజాన్ ప్రైమ్‌లో స్పెషల్ ఇంటర్వ్యూలో రాబోతుందని తెలిపాడు. ప్రస్తుతం ఆర్జీవీ పోస్ట్ నెట్టింట వైరల్ అవుతుండగా.. ఈ విషయం తెలుసు రానా ఫ్యాన్స్ ఎప్పుడెప్పుడు వస్తుందా అని ఆసక్తిగా ఎదురుచూస్తున్నారు.

(Video Link Credits to rgvzoomin Instagram Channel)