రష్మిక మార్ఫింగ్ వీడియో నాదే.. కానీ అలా ఎవరు చేశారో నాకు తెలియదు : Zara Patel

దిశ, సినిమా: రీసెంట్‌గా రష్మికకి సంబంధించిన ఫేక్ వీడియో సోషల్ మీడియాలో వైరల్ అవుతున్న విషయం తెలిసిందే. ఈ వీడియో టాలీవుడ్‌, బాలీవుడ్‌తో పాటు అన్ని ఇండ‌స్ట్రీల‌లో క‌ల‌క‌లం రేపుతోంది. దీంతో అమితాబ్‌ బ‌చ్చన్‌, నాగ‌ చైత‌న్య, చివరకు క‌ల్వకుంట్ల క‌విత‌తో పాటు ప‌లువురు సినీ, రాజ‌కీయ‌ ప్రముఖులు ర‌ష్మిక‌కు మ‌ద్దతుగా నిలుస్తున్నారు. ఇలాంటి ఈ ఫేక్ మార్ఫింగ్ వీడియోల‌కు అడ్డుక‌ట్ట వేయ‌డానికి ప్రభుత్వం చ‌ట్టప‌ర‌మైన చ‌ర్యలు తీసుకోవాల‌ని డిమాండ్ చేస్తున్నారు. అయితే తాజాగా ర‌ష్మిక మంద‌న్న డీప్ ఫేక్ వీడియోలో ఉన్నటు ఒరిజినల్ ఫేస్ అమ్మాయి జరా ప‌టేల్ ఈ విషయంపై స్పందించింది. ‘నా బాడీ, ర‌ష్మిక మంద‌న్న ఫేస్‌ను ఉప‌యోగించి ఈ ఫేక్ వీడియోను ఎవ‌రో మార్ఫింగ్ చేశార‌ు. ఈ వీడియో మార్ఫింగ్‌లో నా ప్రమేయ‌మేమీ లేదు’ అని చెప్పింది.