Rana Daggubati: సాయి పల్లవికి బౌన్సర్‌గా మారిన రానా.. ఏమై ఉంటుందో!

దిశ, సినిమా: Sai Pallavi Praises Rana Daggubati personality| సాయి పల్లవి కీలకపాత్రలో కనిపించిన 'విరాటపర్వం' క్రేజ్ మామూలుగా లేదు. జూన్ 17న రిలీజ్ కాబోతున్న సినిమా ప్రమోషన్స్ కూడా హెవీగానే జరుగుతున్నాయి. ఈ క్రమంలో రానా ప్రతీ ఈవెంట్‌లోనూ సాయి పల్లవిని అభిమానుల తాకిడి నుంచి కాపాడేందుకు ముందున్నాడు.

కర్నూలులో జరిగిన ఈవెంట్‌లో వానాలో గొడుగు పట్టిన హీరో.. ఆ తర్వాత జరిగిన ప్రొగ్రామ్‌లో ఫ్యాన్స్ దగ్గరకు వస్తుంటే వారి నుంచి కాపాడేందుకు ఏకంగా బౌన్సర్‌గా మారిపోయాడు. ఇందుకు సంబంధించిన వీడియోలు నెట్టింట వైరల్ అవుతున్న వేళ.. ఓ ఇంటర్వ్యూలో దీనిపై స్పందించింది సాయి పల్లవి. రానా వ్యక్తిత్వంపై ప్రశంసల వర్షం కురిపించింది. తనకే కాకుండా సెట్స్‌లో ఉన్న ఏ మహిళకైనా ఆపద వస్తే, హెల్ప్ అవసరమైతే రానా తప్పకుండా అక్కడ ఉంటాడని, సాయం చేస్తాడని చెప్పింది. ఏదైనా గందరగోళం జరిగితే ముందుగా అక్కడి నుంచి పంపించి.. అంతా సెట్ అయ్యాక పిలుస్తాడని వివరించింది.