Raj Tarun: రాజ్ తరుణ్ ‘భలే ఉన్నాడే’ మూవీ వాయిదా.. థియేటర్స్‌లోకి ఎప్పుడు రానుందంటే? (పోస్ట్)
టాలీవుడ్ యంగ్ హీరో రాజ్ తరుణ్ గత కొద్ది రోజుల నుంచి వివాదం ఎదుర్కొంటున్న సంగతి తెలిసిందే.
దిశ, సినిమా: టాలీవుడ్ యంగ్ హీరో రాజ్ తరుణ్ గత కొద్ది రోజుల నుంచి వివాదం ఎదుర్కొంటున్న సంగతి తెలిసిందే. లావణ్య అనే అమ్మాయి తనను ప్రేమించి మోసం చేశాడని పలు సంచలన వ్యాఖ్యలు చేసి కేసులు కూడా పెట్టింది. అంతేకాకుండా తనకు అబార్శన్ కూడా చేయించాడని ఆరోపణలు చేసింది. ఈ కేసు కోర్టు వరకు వెళ్లడంతో సరైన సాక్ష్యాలు లేకపోవడం వల్ల రాజ్ తరుణ్‌కు కాస్త ఊరట లభించింది. అయితే ఆయన వివాదం ఎదుర్కొంటున్నప్పటికీ వెనక్కి తగ్గకుండా వరుస సినిమాల్లో నటిస్తూ దూసుకుపోతున్నాడు.
ఈ ఏడాదిలో ఇప్పటికే పురుషోత్తముడు, తిరగబడరసామి సినిమాలతో ప్రేక్షకులను మెప్పించాడు. అయితే ఈ మూవీస్ విడుదలై రెండు నెలలు కూడా పూర్తి కాకుండానే ఇప్పుడు మరో సినిమాతో రాజ్ తరుణ్ ప్రేక్షకుల ముందుకు రాబోతున్నాడు. శివసాయివర్ధన్ డైరెక్షన్‌లో తెరకెక్కిన తాజా చిత్రం భలే ఉన్నాడే. ఇందులో రాజ్ తరుణ్ సరసన మనీషా కంద్కూర్ హీరోయిన్‌గా నటిస్తుంది.
దీనిని మారుతి టీమ్ ప్రొడక్ట్ బ్యానర్‌పై ఎన్వీ కిరణ్ కుమార్ నిర్మిస్తున్నాడు. అయితే ఇప్పటికే భలే ఉన్నాడే వినాయక చవితి కానుకగా రాబోతున్నట్లు అధికారిక ప్రకటన విడుదలైంది. కానీ ఆరోజు విజయ్ ది గోట్ మూవీ రిలీజ్ కాబోతుండటంతో భలే ఉన్నాడే మేకర్స్ వెనక్కి తగ్గారు. తాజాగా, ఈ సినిమా కొత్త రిలీజ్ డేట్‌ను ప్రకటిస్తూ పోస్టర్ విడుదల చేశారు. సెప్టెంబర్ 13న విడుదల చేయనున్నట్లు తెలిపారు.