ఇదెక్కడి మాస్ రా మావా.. థియేటర్ స్క్రీన్ కోసం రంగంలోకి బౌన్సర్లను దించిన యాజమాన్యం

దిశ, సినిమా: గత కొద్ది కాలంగా రీరిలీజ్ ట్రెండ్ పెరిగిపోతూ అందరిని ఆశ్చర్యానికి గురి చేస్తోంది. ముందు డిజాస్టర్ అయిన మూవీస్ కూడా రీరిలీజ్‌లో బాక్సాఫీసును షేక్ చేస్తున్న సంగతి తెలిసిందే. హీరో పుట్టిన రోజుకో లేదా మూవీ వార్షికోత్సవానికో విడుదలై ఊహించని విధంగా బ్లాక్ బస్టర్ హిట్ అవుతున్నాయి. అంతేకాకుండా పలు రికార్డులను సైతం తిరగరాస్తున్నాయి. ఇటీవల కొంతమంది స్టార్ హీరోల చిత్రాలు భారీ కలెక్షన్లు రాబట్టి నిర్మాతలకు లాభాలు తెచ్చిపెట్టిన విషయం తెలిసిందే. దీంతో స్టార్ హీరోల సినిమాలను మేకర్స్ రీరిలీజ్ చేస్తున్నారు. దీంతో వాటిని చూసిన ప్రేక్షకులు థియేటర్స్‌లో నానా హంగామా చేస్తూ కుర్చీలు, స్క్రీన్లు బద్దలు కొడుతున్నారు.

ఇటీవల ఓ జంట మురారి మూవీ చూస్తూ పెళ్లి చేసుకున్న విషయం తెలిసిందే. అయితే ఈ రోజు నాగార్జున మాస్ రీరిలీజ్ 4kలో విడుదలైంది. ఈ క్రమంలో.. దేవి థియేటర్ యాజమాన్యం కీలక నిర్ణయం తీసుకున్నారు. యూత్ స్క్రీన్ దగ్గరకు వెళ్లి ధ్వంసం చేయకుండా బౌన్సర్లను ఏర్పాటు చేశారు. వారు యూత్‌ని అక్కడికి వెళ్లనివ్వకుండా చూసుకుంటున్నట్లు సమాచారం. దీనికి సంబంధించిన వీడియోలు నెట్టింట వైరల్ అవుతున్నాయి. ఇక దీనిపై సోషల్ మీడియాలో పెద్ద చర్చ జరుగుతోంది. ఈ విషయం తెలుసుకున్న నెటిజన్లు సెలబ్రిటీలు బౌన్సర్లను నియమించుకోవడం చూశాం కానీ స్క్రీన్‌కు బౌన్సర్లను పెట్టడం ఏంటని అంటున్నారు. ఇదెక్కడి మాస్ రా మావా ఇలా కూడా చేస్తారా అని ఫన్నీ కామెంట్లు పెడుతున్నారు.