Mokshagna : మోక్షజ్ఞ సినిమాపై హైప్ పెంచేస్తున్న ప్రశాంత్ వర్మ.. ఇంట్రెస్టింగ్ ట్వీట్ వైరల్

దిశ, సినిమా: నందమూరి బాలకృష్ణ తనయుడు మోక్షజ్ఞ సినీ ఇండస్ట్రీలో ఎంట్రీ ఇవ్వబోతున్నట్లు గత కొద్ది రోజుల నుంచి వార్తలు వైరల్ అవుతున్న సంగతి తెలిసిందే. ఈ క్రమంలోనే నందమూరి వారసుడు మోక్షజ్ఞ ట్విట్టర్ వేదికగా తన లుక్స్ విడుదల చేస్తూ సినిమా చేయబోతున్నట్లు అధికారికంగా ప్రకటించాడు. దీంతో అందరి దృష్టి మోక్ష మూవీపై పడింది. ఆయన మొదటి మూవీని ఏ డైరెక్టర్‌తో చేస్తున్నారనే చర్చలు సోషల్ మీడియాలో జోరందుకున్నాయి. అయితే ఆయన హనుమాన్ డైరెక్టర్ ప్రశాంత్ వర్మతో సినిమా చేయబోతున్నట్లు నెట్టింట టాక్ నడుస్తోంది.

దీంతో ఈ విషయం తెలుసుకున్న నందమూరి అభిమానులు ఫస్ట్ మూవీతో పూనకాలే ఇక బాక్సాఫీసులు షేక్ అవ్వాల్సిందే అని పోస్టులు పెడుతూ నెట్టింట రచ్చ చేస్తున్నారు. తాజాగా, ప్రశాంత్ వర్మ ట్విట్టర్ వేదికగా ఓ ఆసక్తికర పోస్ట్‌తో మోక్షజ్క్షతో సినిమాపై క్లారిటీ ఇచ్చాడు. కొత్త డాన్ బ్రేక్ చేయడానికి వచ్చేస్తున్నాడు. సింహం కొడుకు సింబ వస్తున్నాడు అని యానిమేటెడ్ ఫొటో షేర్ చేశాడు. ఇక బాలయ్యను సింహం అని పిలుస్తున్నారన్న సంగతి తెలిసిందే. ఇక ఆయన కొడుకు సింబ అని ప్రశాంత్ వర్మ ఇలా ఇండైరెక్ట్ పోస్ట్ పెట్టినట్టు ఫ్యాన్స్ అనుకుంటున్నారు.