ప్రభాస్ ఇంటి దగ్గర్నుంచి ఫుడ్ పంపిస్తేనే ఆ పని చేస్తా.. శ్రద్ధా కపూర్ ఇంట్రెస్టింగ్ కామెంట్స్!

దిశ, సినిమా: పాన్ ఇండియా స్టార్ ప్రభాస్ గురించి ప్రత్యేకంగా చెప్పాల్సిన పని లేదు. వరుస పాన్ ఇండియా సినిమాలతో బిజీ బిజీగా ఉన్నాడు. ప్రస్తుతం కల్కీ సినిమా ప్రమోషన్స్‌లో ఉన్న ప్రభాస్ త్వరలోనే ప్రేక్షకుల ముందుకి రాబోతున్నాడు. అయితే ప్రభాస్ ఫుడ్ గురించి అందరికీ తెలిసిందే. సినిమా సెట్స్ లో హీరోయిన్స్ కి, ఆర్టిస్టులకు ప్రభాస్ అప్పుడప్పుడు ఫుడ్ ఇంటి నుంచి పలు రకాలు తెప్పించి మరీ పెడతాడు. ప్రభాస్ ఫుడ్ తో చేసే మర్యాదకు హీరోయిన్స్ ఆశ్చర్యపోయి దాని గురించి సోషల్ మీడియాలో పోస్ట్ చేస్తారు. ఇప్పటిదాకా ప్రభాస్ తో పని చేసిన ప్రతి హీరోయిన్ ప్రభాస్ పెట్టిన ఫుడ్ గురించి మాట్లాడిన వాళ్ళే. తాజాగా హీరోయిన్ శ్రద్ధా కపూర్ మరోసారి ప్రభాస్ ఫుడ్ పై కామెంట్స్ చేసింది.

ప్రభాస్ తో శ్రద్ధా కపూర్ కలిసి ‘సాహో’ సినిమాలో నటించిన విషయం తెలిసిందే. ఈ సినిమా షూట్ టైంలో శ్రద్ధ కపూర్ కి ప్రభాస్ పలుమార్లు ఇంటి నుంచి ఫుడ్ తెప్పించి పెట్టాడు. అయితే తాజాగా శ్రద్ధా కపూర్ సోషల్ మీడియాలో ఫోటోలు పోస్ట్ చేయగా కింద కామెంట్స్ లో ఓ నెటిజన్ ప్రభాస్ తో మళ్ళీ ఎప్పుడు నటిస్తారు అని అడగ్గా.. ప్రభాస్ మళ్ళీ తన ఇంటి నుంచి ఫుడ్ పంపించినప్పుడు అని కామెంట్ చేసింది. దీంతో సాహో సినిమా వచ్చి ఐదేళ్లయినా శ్రద్ధ ఇంకా ప్రభాస్ పెట్టిన ఫుడ్ గుర్తుపెట్టుకుంది అంటే ప్రభాస్ ఏ రేంజ్ లో ఫుడ్ తెప్పించాడో అని సరదాగా కామెంట్స్ చేస్తున్నారు. ప్రస్తుతం ఈ వార్త నెట్టింట తెగ వైరల్ అవుతుంది.