వచ్చేసిన కల్కి ట్రైలర్.. రికార్డులు పక్కా.. కేవలం నిమిషాల్లోనే లక్షల్లో వ్యూస్

దిశ, సినిమా: డార్లింగ్ ఫ్యాన్స్ ఎప్పుడెప్పుడా అని వెయ్యికళ్లతో ఎదురు చూస్తున్న టైం రానే వచ్చింది. పాన్ ఇండియా స్టార్ ప్రభాస్ తాజా ప్రాజెక్ట్ ‘కల్కి 2898AD’ నుంచి ట్రైలర్ రిలీజ్ చేశారు మేకర్స్. ‘ఈ భూమీ మీద మొదటి నగరం’ అనే రాజేంద్ర ప్రసాద్ వాయిస్‌తో స్టార్ట్ అయిన ఈ ట్రైలర్ ప్రేక్షకుల అంచనాలను రెట్టింపు చేసే ఎలివేషన్స్‌తో పవర్ ఫుల్‌గా ఉంది. ఇక అశ్వత్థామగా అమితాబ్ బచ్చన్ ఎంట్రీ వేరే లెవల్ అని చెప్పుకోవచ్చు. కొద్ది సేపటి క్రితమే రిలీజైన ఈ ట్రైలర్‌కు సోషల్ మీడియాలో విశేష స్పందన లభిస్తుంది. కేవలం 20 నిమిషాల వ్యవధిలో 9 లక్షల వ్యూస్‌తో దూసుకుపోతుంది. దీంతో ప్రభాస్ ఫ్యాన్స్ పండుగా చేసుకుంటున్నారు. రికార్డులు పక్కా అంటూ సోషల్ మీడియా వేదికగా రచ్చ చేస్తున్నారు.

కాగా.. నాగ్ అశ్విన్ దర్శకత్వం వహిస్తున్న ‘కల్కి 2898AD’లో దీపికా పదుకొణె హీరోయిన్ కాగా.. అమితాబ్ బచ్చన్, కమల్ హాసన్, దిశా పటాని కీలక పాత్రలో నటిస్తున్నారు. వైజయంతి మూవీ బ్యానర్‌పై రూపొందుతున్న ఈ చిత్రం జూన్ 27న గ్రాండ్ రిలీజ్‌కు సిద్ధంగా ఉంది. రిలీజ్ సమయం దగ్గరపడటంతో ప్రమోషన్స్‌లో జోరు పెంచారు మేకర్స్.