సరికొత్త ప్రయాణం స్టార్ట్ చేసిన పూజా హెగ్డే..! ఇప్పుడైనా సక్సెస్ అందుకుంటుందా..?

దిశ, సినిమా: టాలీవుడ్ బుట్టబొమ్మగా క్రేజ్ తెచ్చుకున్న పూజా హెగ్డే.. ‘ఒక లైలా కోసం’ సినిమాతో ఇండస్ట్రీ ఎంట్రీ ఇచ్చింది. తర్వాత వరుస సినిమాలు చేస్తూ ఇండస్ట్రీనీ ఓ ఊపు ఊపేసిన బ్యూటీ.. దాదాపు అందరి స్టార్ హీరోల సరసన నటించి స్టార్‌డమ్‌ను సొంతం చేసుకుంది. దీంతో స్టార్ హీరోయిన్‌గా దూసుకుపోతుంది అనుకుంటే.. ఈ మధ్య కాలంలో నటించిన వరుస చిత్రాలు డిజాస్టర్ కావడంతో ఐరన్ లెగ్‌గా బిరుదు తగిలించుకుంది. ప్రస్తుతం తెలుగులో ఆఫర్లు తగ్గడంతో.. బాలీవుడ్‌పై ఫోకస్ పెట్టినట్లు తెలుస్తోంది.

ఈ క్రమంలోనే గతేడాది ‘కిసీ కా భాయ్‌ కిసీ కీ జాన్‌’ చిత్రంతో అలరించిన ఈ అమ్మడు.. ఇప్పుడు మరో సినిమాకు ఓకే చెప్పినట్లు తెలుస్తోంది. అహాన్ శెట్టి, పూజా జంటగా నటిస్తున్న సినిమా ‘సంకీ’. సాజిద్‌ నడియాడ్‌వాలా నిర్మిస్తున్న ఈ చిత్రాన్ని అద్నాన్‌ షేక్‌, యాసిర్‌ సంయుక్తంగా తెరకెక్కిస్తున్నారు. ఈ సినిమా చిత్రీకరణ జూన్‌లో స్టార్ట్ చెయ్యనున్నారట. ఈ మేరకు సినిమాలో ముఖ్యమైన యాక్షన్‌ సీన్స్ చిత్రీకరించేందుకు ముంబాయిలో భారీ బడ్జెట్‌తో సెట్‌ను సైతం సిద్థం చేశారట మూవీ యూనిట్. లవ్ అండ్ యాక్షన్ చిత్రంగా రూపొందుతున్న ఈ మూవీలో అహాన్‌, పూజ మధ్య కెమిస్ర్టీ సినిమాకే స్పెషల్‌ ఎట్రాక్షన్‌గా నిలుస్తుందని టాక్. ఈ సినిమా హిట్ అయితే పూజా సరికొత్త ప్రయాణం మొదలైనట్టే అని సన్నిహిత వర్గాలు చెబుతున్నాయి. కాగా.. ‘సంకీ’ చిత్రం 2025 ఫిబ్రవరి 14న విడుదల చేయడానికి సన్నాహాలు చేస్తున్నారట మూవీ టీమ్.