పబ్‌లో పార్టీ చేసుకున్న నాగార్జున, ఎన్టీఆర్, ప్రభాస్, అఖిల్.. నెట్టింట ఫొటోలు వైరల్

దిశ, సినిమా: ప్రజెంట్ స్టార్ హీరోలు అందరూ వారి వారి ప్రాజెక్టులలో బిజీగా ఉన్నారు. అలాగే ప్రభాస్, ఎన్టీఆర్, నాగార్జున లాంటి హీరోలు మూవీస్ ప్రమోషన్స్‌లో తప్పా.. మరి ఏ ఇతర ఈవెంట్స్‌లో ఎక్కువగా కనిపించరు. పూర్తిగా ప్రైవేట్ లైఫ్. మరి ఈ హీరోలు అందరిని ఒకే దగ్గర చూస్తే.. ఫ్యాన్స్‌కు మాములుగా ఉండదు. ఈ క్రమంలోనే వీరంత కలసి ఓ రోజు రాత్రి పార్టీ చేసుకున్నట్లుగా తెలుస్తుంది. అంతే కాకుండా అదిరిపోయే మాస్‌ సాంగ్‌లకు డాన్సులు వేశారు. ఎన్టీఆర్‌, ప్రభాస్, నాగార్జున, అఖిల్‌ ఇలా చాలా మంది సెలబ్రిటీలు ఒకేచోట చేసి పార్టీ చేయడం విశేషం.

ప్రజెంట్ దీనికి సంబంధించిన వీడియో నెట్టింట తెగ వైరల్ అవుతుంది. ఇందులో ప్రభాస్‌ డాన్స్‌లు అదిరిపోయేలా ఉన్నాయి. ఈ క్రమంలోనే నాగార్జున ‘శివ’ సినిమాలోని పాట వస్తుంది.. దానికి డాన్స్ వేయాలని నాగార్జునకి ప్రభాస్‌ చెప్పాడు. పక్కన ఉన్న ఎన్టీఆర్‌ని సైతం దగ్గరకు తీసుకున్నారు. ముగ్గురు కలిసి డాన్స్ చేశారు. మాస్‌ స్టెప్పులతో అదరగొట్టారు. వీరి పక్కనే అఖిల్‌ కూడా ఉన్నాడు. రాత్రి సమయంలో జరిగిన ఈ పార్టీలో చాలా మంది సెలబ్రిటీలు ఉన్నారు. అయితే.. ఈ పార్టీ ఎక్కడ జరిగింది ఏంటీ అనేది తెలియలేదు కానీ.. రీసెంట్‌గా జరిగినట్లు మాత్రం మన హీరోల ఫేస్‌లు చూస్తే అర్థం అవుతుంది.